Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynda aýyl ákimderin saılaýǵa 4 partııa kandıdattaryn usyndy

2021 jyldyń 7 shilde 2021 16:30

QARAǴANDY. QazAqparat – Qaraǵandy oblysynda 7 shildedegi jaǵdaı boıynsha aýyl ákimderin saılaýǵa 260 kandıdat usynyldy. Onyń 185-i ózin-ózi usynǵan, al 75-i saıası partııalardan, dep habarlaıdy QazAqparat tilshisi.

Oblystyq saılaý komıssııasynyń habarlaýynsha, qazirgi ýaqytta tórt partııa óz múshelerin usyndy.

Eń kóp úmitkerin usynǵan partııa Nur Otan boldy. Bul partııadan 61 kandıdat usynylyp otyr.

Qazaqstannyń Halyq partııasy - 7, «Aýyl» – 5, «Adal» – 2 adam usyndy.

Usyný protsesiniń aıaqtalýyna eki kún qaldy. Oblysta bul kezeń 26 maýsymda bastalyp, 9 shildede aıaqtalady.

Sodan keıin saılaý komıssııalary kandıdattardy tirkeýge kirisedi.

Esterińizge sala keteıik, Qaraǵandy oblysynda aýyl ákimderiniń alǵashqy tikeleı saılaýy 25 shildede 149 eldi mekende ótedi.

Tórt jyldyq merzimge 75 aýyl ákimin saılaý josparlanyp otyr.


Joǵary qaraı