Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qaraǵandy oblysynda balalar úıleri azaıdy

2022 jyldyń 29 qańtar 2022 01:01

QARAǴANDY. QazAqparat – Sońǵy úsh jylda Qaraǵandy oblysynyń balalar úıleriniń tárbıelenýshiler sany 28%-ǵa qysqardy (666-dan 487 adamǵa deıin). Bilim basqarmasynyń málimetinshe, alty mamandandyrylǵan mekeme jabyldy, dep habarlaıdy QazAqparat tilshisi.

2019 jyly Temirtaý men Balqashtaǵy balalar úıleri jumysyn toqtatty. Bir jyldan keıin Lıtvınskaıa mektep-ınternaty jabyldy. 2021 jyly «Qulynshaq» balalar úıi men Qaraǵandydaǵy Úmit úıi, sondaı-aq Jezqazǵandaǵy kámeletke tolmaǵandardy beıimdeý ortalyǵy men M.Qulysheva atyndaǵy balalar úıi ómirlik qıyn jaǵdaıda júrgen balalardy qoldaý ortalyqtaryna aınaldy.

«Osy ýaqyt ishinde 313 tárbıelenýshi belgili bir otbasylarǵa ornalastyryldy. 166 adam patronattyq tárbıege, 81-i qamqorlyqqa, 15-i otbasy úlgisindegi balalar úıine, 16-sy asyrap alyndy, 35 bala týǵan otbasyna qaıtaryldy», – dep habarlady bilim basqarmasynyń basshysy Gúlsim Qojahmetova.

2016 jyldan bastap «Ásem» jáne «Tańsholpan» balalar úılerinde «Tálimgerler» jobasy jumys isteıdi. Bul 40 oqýshyǵa óz tálimgerlerin tabýǵa múmkindik berdi. Nátıjesinde alty bala kýratorlar otbasynda tárbıelenýde.

Sonymen qatar, balalar úıleriniń tárbıelenýshileri men túlekterin áleýmettendirý jalǵasýda. Olar úshin fotografııa, robototehnıka, shet tili kýrstary, sondaı-aq mýzyka mektebi jáne «Bolashaq mamandyǵy» kýrstary ashyldy.

Temirtaý qalasynyń SOS balalar aýylynyń tárbıelenýshileri kásibı kýrstarda oqıdy.

«Dar» QQ-men birlesip Pıoner balalar úıiniń bazasynda trenajer zaly jáne «Intellektým» kabıneti ashyldy, «Qurastyrý jáne modeldeý» úıirmesi jumys isteıdi, «Býkkrossıng» aımaǵy jabdyqtalǵan. Balalar úıiniń tálimgerleri úshin tanymal jáne tabysty adamdarmen onlaın-kezdesýler ótkiziledi.

M. Qulysheva atyndaǵy balalardy qoldaý ortalyǵy túlekterine aı saıyn bos jumys oryndaryn usynady jáne «Qazaqmysqa» jumysqa ornalasýǵa kómektesedi. Ótken jyly 10 túlek korporatsııa qyzmetkeri atandy.


Joǵary qaraı