Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynda bıyl kezekte turǵan azamattarǵa 250 páter beriledi – oblys ákimi

2021 jyldyń 15 mamyr 2021 05:00

QARAǴANDY. QazAqparat – Qaraǵandy obysynyń ákimi Jeńis Qasymbek bıyl óńirde úı kezeginde turǵan azamattarǵa 250 páter beriletinin aıtty, dep habarlaıdy QazAqparat.

Bul týraly óziniń Facebook paraqshasynda jazdy.

«Búgin jumys saparymen Shahtınsk qalasyna baryp, onda qaladaǵy jalǵyz jylý kózi bolyp tabylatyn «Shahtınskteploenergo» JShS jumysymen tanystym. Shahan kentiniń qazandyǵy men jelileriniń qurylysy aıaqtalǵannan keıin kásiporyn kentke jylýdy berýge jaýapty bolady. Qazirgi ýaqytta alda turǵan mańyzdy mindet, jazǵy kezeńde jóndeý naýqanyn talapqa ótkizý. Bul úshin oblystyq bıýdjetten qazandyqtar men magıstraldardy jańǵyrtýǵa qajetti qarajat bólinedi.

Dene shynyqtyrý-saýyqtyrý kesheniniń qurylysymen tanystym. Búgingi kúni syrtqy jumystar jasalyp, sý qubyry, káriz, jylý, elektr jelileri júrgizildi. Nysan bıylǵy jyldyń sońyna deıin paıdalanýǵa tapsyrylýy tıis.

Men ótken jyly turǵyndar aıtqan avtovokzaldy qaıta qurý jumystarynyń iske asyrylýyn muqııat qadaǵalap otyrmyn. Ǵımaratta jylytý júıesi qalpyna keltirilip, aýmaq asfalttaldy. Shatyr, sýmen jabdyqtaý jáne sý burý júıeleri jóndeldi. Alda áli kóp jumystar bar. Biraq osy jyldyń qazan aıynda jańartylǵan avtovokzal paıdalanýǵa beriledi dep josparlanýda»,-dedi oblys ákimi.

Sonaı-aq ol sózinde qalada áleýmettik turǵyn úıge kezekte turǵan turǵyndardyń qajettilikteri úshin tórt kóppáterli úı salynyp jatqanyn, bıyl kezekte turǵan azamttarǵa 250 páter beriletinin aıtty.

«Sapar barysynda metall ónimderin shyǵaratyn «Temırlaın» JShS kásipornynda boldym. «Bıznestiń jol kartasy-2020» baǵdarlamasy aıasynda nesıeler boıynsha paıyzdyq mólsherlemeni sýbsıdııalaý arqasynda zaýyt óndiristi keńeıtip, óz ónimderin búkil Qazaqstan boıynsha satýdy bastady. Pandemııa kezinde bul qalanyń ekonomıkalyq turaqtylyǵyna aıtarlyqtaı áser etti»,-dedi Jeńis Qasymbek.


Basty sózder: Qaraǵandy oblysy, Turǵyn úı,
Joǵary qaraı