Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynda qala turǵyndarynyń 98 paıyzy ortalyq sýmen qamtylǵan

2021 jyldyń 29 qarasha 2021 17:18

QARAǴANDY. QazAqparat - Qaraǵandy oblysynda ortalyq sýmen qala turǵyndarynyń 98% jáne aýyl turǵyndarynyń 89,9% qamtylǵan, dep habarlaıdy QazAqparat oblys ákiminiń resmı saıtyna silteme jasap.

Memlekettik baǵdarlamalar óńirdiń shalǵaı eldi mekenderinde de sý máselesin sheshýge kómektesedi.

Sýmen jabdyqtaý sapasyn jaqsartý úshin 35 ınfraqurylymdyq joba iske asyrylýda.

– Prezıdenttiń tapsyrmasyna sáıkes kelesi jyly Úıtas-Aıdos sýaǵaryn qaıta jańartý boıynsha jobany iske asyrý bastalady. Bul Jezqazǵan turǵyndaryn Qojamseıit ken ornynan sapaly sýmen qamtamasyz etedi, – dep atap ótti Jeńis Qasymbek ortalyq kommýnıkatsııalar qyzmetinde ótken baspasóz máslıhatynda.




Bıyl Sátbaevty sapaly aýyz sýmen qamtamasyz etetin Eskýlınsk sý tartqyshy iske qosyldy.

Oblysta gazdandyrý jalǵasýda. Tabıǵı gaz Qaraǵandy óńiri turǵyndarynyń 3 myń úıine jetkizildi.

Jaqynda Qaraǵandy, Temirtaý jáne Jezqazǵannyń alǵashqy abonentterin gazben jabdyqtaýǵa qosý bastalady. Tarıf bir tekshe metr úshin 40,8 teńgeni quraıdy.

Sondaı-aq, Saran qalasyna gaz qubyry salynýda, jumystardy jeltoqsan aıynyń sońyna deıin aıaqtaý josparlanýda.

Naýryz aıynan bastap Jańaarqa, Osakarov aýdandarynda jáne Shahtınsk qalasynda jeliler qurylysy bastalady.


Joǵary qaraı