Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qaraǵandy oblysynda karantın shekteýleri boıynsha jańa qaýly shyqty

2022 jyldyń 28 qańtar 2022 13:23

QARAǴANDY. QazAqparat – Qaraǵandy oblysynyń bas sanıtarlyq dárigeriniń jańa qaýlysyna sáıkes, «Ashyq» jobasyna qatysatyn nysandar úshin jumys jáne demalys kúnderi jumys rejımine shekteýler alynyp tastaldy, dep habarlaıdy QazAqparat tilshisi.

Qaraǵandy oblysynda qyzmetkerler men kelýshilerdiń qaýipsiz «jasyl» mártebesi boıynsha jumys isteıtin obektiler úshin shekteýler alynyp tastaldy. Bul – saltanatty, estelik, oıyn-saýyq, sporttyq is-sharalar, kórmeler, konferentsııalar, forýmdar ótkizý, sport keshenderiniń, saýyqtyrý jáne dinı obektilerdiń, oıyn-saýyq obektileriniń (oıyn klýbtary, kazıno, túngi klýbtar jáne karaoke), SOO, saýda jelileriniń (saýda alańy 1000 sharshy metrden asatyn azyq-túlik emes jáne saýda alańy 6000 sharshy metrden asatyn azyq-túlik emes), basseınderdiń qyzmeti.

«Qyzyl» (joǵary epıdemıologııalyq qaýip) aımaqqa kirgen oblastarda nysandarǵa kelýshilerdiń basym bóliginde beıtarap («kók») nemese qaýipsiz («jasyl») mártebesi bolǵan jaǵdaıda karantındik shekteýler álsiretilip, nysandardyń tolymdyǵy 60% deıin arttyrylady.

Osylaısha, oblysaralyq, oblysishilik, qalalyq (turaqty jáne turaqty emes) tasymaldardy júzege asyratyndar úshin, qonaq úıler, áýejaılar, temirjol, sý jáne avtovokzaldar, avtostantsııalar jáne jolaýshylarǵa qyzmet kórsetý pýnkteri, HQKO, «Qazposhta» AQ bólimsheleri, bankter, sulýlyq salondary, SPA-ortalyqtar, jabyq bazarlar, ashana tıpi boıynsha qoǵamdyq tamaqtaný obektileri, mektepke deıingi jáne qosymsha bilim berý uıymdary úshin beıtarap «kók» mártebesi bolǵan kezde kirý shekteýsiz saqtalady.

1000 sharshy metrge deıingi saýda alańy bar saýnalar, monshalar, saýda jelileriniń (azyq-túlik emes) qyzmetine shekteýler alynyp tastaldy, olarǵa kirý beıtarap «kók» mártebesi boıynsha da ruqsat.

«Qyzyl» aımaqtaǵy óńirde kelishýniń kók» mártebesi bolǵan jaǵdaıda, tolymdyǵyn 60-qa jetkizbeý shartymen kelesi nysandarǵa jumys isteýge ruqsat etiledi:

- balalardy saýyqtyrý uıymdary;

- meıramhana, kafe, kofehanalar, banket zaldary (meıramhana, kafe túri boıynsha qyzmet kórsetý) túrindegi qoǵamdyq tamaqtaný obektileri (úı-jaıda);

- boýlıng;

- teatrlar, kınoteatrlar, kontsert zaldary, fılarmonııa, tsırkter;

- kompıýterlik klýbtar, sonyń ishinde PlayStation klýbtary;

- 1 kelýshige 4 sharshy metrden kem emes alańdy qamtamasyz etý kezinde lotereıa klýbtary men lotereıany ótkizýdiń ózge de núkteleri, býkmekerlik keńseler;

- balalar oıyn-saýyq ortalyqtary (jabyq) 1 adamǵa keminde 10 sharshy metr alańmen qamtamasyz etilgende, tolymdylyǵy 60%-dan aspaıdy.

Qaýly qol qoıylǵan kúninen bastap kúshine enedi.


Joǵary qaraı