Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qaraǵandy oblysynda kenshiler men metallýrgterge 5% jeńildikpen ıpoteka beriledi

2022 jyldyń 24 qańtar 2022 20:05

QARAǴANDY. QazAqparat – Qaraǵandy, Temirtaý, Shahtınsk, Saran jáne Abaı qalalaryndaǵy kenshiler men metallýrgterge arnalǵan jańa ıpotekalyq baǵdarlamaǵa oblystyq bıýdjetten mıllıard teńge bólindi, dep habarlaıdy QazAqparat tilshisi.

Jeńildetilgen ıpoteka bes jyl boıy júzege asyrylady. Jyl saıyn oblystyq bıýdjetten mıllıard teńgeden bólinbek.

Esterińizge sala keteıik, bastamany oblys ákimdigi «Otbasy bankimen» birlesip usynǵan bolatyn. Nesıe boıynsha mólsherleme 5% quraıdy. Qaryz bastapqy jarnasyz 19 jylǵa deıingi merzimge beriledi. Ipotekalyq baǵdarlamamen neǵurlym kóbirek úmitkerlerdi qamtý úshin páter quny 15 mln teńgeden aspaýy tıis.

Ipoteka qatysýshylary bastapqy nemese qaıtalama naryqta turǵyn úıdi ózderi tańdaýǵa májbúr bolady. Eger páterdiń quny nesıeden kóp bolsa, onda satyp alýshy jetispeıtin somany óz qarajatynan nemese BZT-nen tóleıdi.

Ipotekaǵa qatysý úshin qajetti qujattardy bolat jáne kómir departamentteriniń kásipodaqtary qabyldaıdy. Barlyq suraqtar boıynsha kásiporyndardyń kásipodaq komıtetterine júginý qajet. Ipotekaǵa qatysýshylardy iriktegennen keıin qujattar bankke jiberiledi.


Joǵary qaraı