Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynda SOVID-19 juqtyrǵandar sany ósýde

2021 jyldyń 23 shilde 2021 21:43

QARAǴANDY. QazAqparat – Qaraǵandy oblysynda SOVID-19 juqtyrǵandar sany ósýde. Ótken táýlikte ǵana óńirde 794 jańa ınfektsııa oqıǵasy tirkeldi, dep habarlaıdy QazAqparat tilshisi.

Naýqastardyń kópshiligi ókpe zaqymdanýynyń joǵary paıyzymen aýrýhanalarǵa túsedi. Dárigerler muny keıbir adamdar uzaq ýaqyt boıy ózin-ózi emdeýmen aınalysady, sonymen birge qymbat ýaqyt pen tez qalpyna kelý múmkindigin joǵaltady, dep túsindirýde.

Mysaly, ınfektsııalyq statsıonarǵa qaıta beıindelgen Qaraǵandynyń №1 kópbeıindi aýrýhanasynda qazirgi ýaqytta 215 patsıent jatyr. Olardyń kópshiliginde ókpeniń zaqymdaný kólemi 30-dan 90 paıyzǵa deıin. Olar joǵary dene qyzýymen jáne entikpemen túsken.

«Bizdiń aýrýhana sáýir aıynda gospıtal retinde qaıta beıimdeldi. 250 tósek-oryn bar. Qazirgi ýaqytta bizde 215 adam jatyr, jansaqtaý bóliminde 15 naýqas bar. ÓJJ-da 9 adam. Negizinen ókpeniń 90%-ǵa deıin zaqymdanýymen túsedi. Olar uzaq ýaqyt úıde bolyp, óz betinshe emdelgender. Biz emdelýshilerge ózdiginen emdelmeýge keńes beremiz. Kóptegen adamdar sýyq tıdi, sýyq sý ishtik dep qate oılaıdy, biraq is júzinde bul koronavırýstyń alǵashqy belgileri. Asqynýlardyń aldyn alý úshin dereý dárigerlerge habarlasyńyzdar. Vaktsınatsııa arqyly ózińizdi qorǵaǵan durys», – deıdi №1 kópsalaly aýrýhananyń terapevtik qyzmetiniń jetekshisi Naılıa Qurmysheva.





Búgingi kúni statsıonarda kómek kórsetý úshin qajettiniń bári bar: 25 ÓJJ apparaty, ottegin berýge arnalǵan 151 kontsentrator, ottegin ortalyqtandyrylǵan qurylǵy arqyly berý palatalary, qajetti dárilik preparattar.

«Men aýrýhanaǵa 14 shildede dene qyzýymen, entikpemen tústim. Mende 25 paıyz ókpe zaqymdanýy boldy. Aýrýhanada bolǵanda jáne aýrýdyń qalaı damıtynyn kórgende, ol shynymen qorqynyshty bolady. Munda kóbisi tolyqtaı otbasylarymen jatyr. Atap aıtqanda, meniń kúıeýim de osynda emdeldi. Óte jaqsy medpersonal, árqashan kómektesedi», – dep atap ótti gospıtaldyń patsıenti Tatıana Rebro.

Aýrýhananyń jansaqtaý bóliminde koronavırýstyq ınfektsııanyń aýyr túrlerimen aýyratyn naýqastar bar.

«Júrektiń ıshemııalyq aýrýy, qant dıabeti jáne t.b. sııaqty qatar júretin patologııalary bar patsıentter óte kóp. Patsıentter uzaq ýaqyt úıde bolǵannan keıin bizge kelip tússe, aýrýmen kúresý qıyn, sebebi ókpe tininiń zaqymdaný kólemi aıtarlyqtaı úlken. Men aýrýdyń alǵashqy belgileri paıda bolǵan bette medıtsınalyq kómekke júginýdi suraımyn», – dep atap ótti Qaraǵandynyń №1 kópbeıindi aýrýhanasynyń jansaqtaý bóliminiń meńgerýshisi Talǵat Aıtpenov.












Joǵary qaraı