Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qaraǵandy oblysynda turatyn aýyl aqsaqaly óziniń erekshe qabiletimen tań qaldyrdy

2022 jyldyń 23 qańtar 2022 18:48

QARAǴANDY. QazAqparat – Qaraǵandy oblysynyń Aqjal kentinde turatyn zeınetker Alshynbaı Muqyshev týǵan aýylynda jastarǵa úlgi kórsetýde. Ol bolashaq urpaqqa rýhanı jáne fızıkalyq densaýlyqty nasıhattaıdy. Qajymuqan Muńaıtpasovtyń izin basyp kele jatqan aýyl turǵyny týraly bizdiń tilshimiz aıtyp beredi.

65 jasynda Alshynbaı Muqyshev ıogany erkin meńgergen. Zeınetker rýhanı jáne fızıkalyq damýǵa bel býǵan.

Bul oǵan tek densaýlyq syılap qana qoımaı, tózimdilikke úıretken.

«Men juqa taqtalardan bastadym jáne ýaqyt óte kele olardyń qalyńdyǵyn birtindep arttyrdym. Sodan keıin qyzyl kirpishke kóshtim. Bul trıýkterdi ártúrli merekelik sharalarda kórsetemin. Mysaly Naýryzda kópshilik jınalǵanda. Kóbisi bul ónerimdi kórgen kezde men úshin qatty ýaıymdaıdy», - deıdi zeınetker.




Aqsaqaldyń múmkindikteri shynymen de tań qaldyrady. Synǵan taqtalardy bylaı qoıǵanda, saýsaqtarmen syndyrǵan plıtkalar árdaıym kórermenderdi tań qaldyrady.

Ol keıde shynymen qaýipti trıýkterdi oryndaıdy. Bir adam kótere almaıtyn úlken tasty zeınetker keýdesi men ishine qoıyp, balǵamen syndyrady.

Árıne, ekstremal qarııa eshqandaı zaqym almaıdy.

Alshynbaı Muqyshevtiń aıtýynsha, munyń qupııasy – tynys alýdy baqylaýda.

«Soqqynyń aldynda deneniń ózi tas sııaqty qatty bolýy kerek. Mysaly, birdeńeni urmas buryn, siz judyryǵyńyzdy qysasyz. Bul tájirıbemen keledi», - dep túsindiredi Alshynbaı Muqyshev.

Zeınetker denesiniń árbir bóligin shynyqtyrýǵa tyrysady. Onyń ishinde bilekterin de.

Olardy armatýramen oraý úshin oǵan birneshe sekýnd jetkilikti. Ol osyndaı ekstremaldy sportty 40 jasynda ıgere bastaǵan.




Onyń aıtýynsha, barlyǵy densaýlyq jaǵdaıyna baılanysty bastalǵan. Keýdesinde, aıaq-qoldarynda qatty aýyrsyný bolǵan.

Tipti qalypty uıyqtaı almaǵanyn aıtady. Nátıjesinde ol denesin nyǵaıtýǵa sheshim qabyldady.

Aıta ketý kerek, Alshynbaı Muqyshevti bul erekshe daǵdylarǵa eshkim úıretpegen. Onyń jattyqtyrýshylary joq jáne ol ınternetten aqparat alyp, qoldanbaǵan.

Qarııanyń aıtýynsha, sport álemine jolsiltemelerdiń biri – Qajymuqan Muńaıtpasovtyń kitaby bolǵan.

Zeınetker sportpen shuǵyldanýdy odan ári jalǵastyrady. Ol aýyl jastaryn salaýatty ómir saltyn ustanýǵa shabyttandyrady.


Avtor Agata Mýhamedjanova
Basty sózder: Qaraǵandy oblysy, Qoǵam,
Joǵary qaraı