Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynda tutynýshylar quqyǵy buzylǵany jaıly 2000-nan astam shaǵym túsken

2021 jyldyń 14 qazan 2021 21:26

QARAǴANDY. QazAqparat – Osy jyldyń toǵyz aıynda Qaraǵandy oblysy tutynýshylardyń quqyqtaryn qorǵaý departamentine eki myńnan astam shaǵym tústi. Vedomstvo ókilderi tutynýshylarǵa bul turǵyda qandaı kómek kórsetiletinin aıtyp berdi, dep habarlaıdy QazAqparat tilshisi.

Kún saıyn Qaraǵandy oblysynyń turǵyndary Departamentke sapasyz taýardy aıyrbastaý nemese qaıtarý, josyqsyz kórsetilgen qyzmetterden bas tartý, merzimi ótken azyq-túlik ónimderin qaıtarý nemese aktsııalar men sharttardyń talaptaryn oryndamaý syndy shaǵymdarymen júginedi. Ótken jylmen salystyrǵanda mundaı ótinishter sany 27,6%-ǵa artqan.

«Ótinishterge júrgizilgen taldaý negizinde biz tutynýshylardyń quqyqtaryn buzýdyń negizgi sebepterin anyqtadyq. Bul halyqtyń quqyqtyq saýattylyǵynyń tómendigi, «Tutynýshylardyń quqyqtaryn qorǵaý týraly» QR zańyn kásipkerlik sýbektileriniń bilmeýi jáne saqtamaýy, sondaı-aq shaǵyn jáne mıkrokásipkerlik sýbektilerine tekserý júrgizýge moratorıı sebep bolyp tabylady», – dep habarlady óńirlik kommýnıkatsııalar qyzmeti platformasynda ótken onlaın-brıfıngte Tutynýshylardyń quqyqtaryn qorǵaý departamentiniń basshysy Álııa Kýlagına.




Mysaly, ótken jyly jáne bıylǵy toǵyz aıda departamentke «Beauty KRG» JShS qyzmetine shaǵymdanǵan 238 ótinish kelip tústi. Tutynýshylar qymbat kosmetologııalyq qyzmetterdi nesıe arqyly tólegen. Alaıda qyzmet berýshi óz mindettemelerin oryndamaǵany jáne klıentterge aqshany qaıtarmaǵany anyqtalǵan.

Josyqsyz qyzmet kórsetýshilerdiń nemese taýar óndirýshilerdiń qurbany bolmaý úshin tutynýshylar óz quqyqtaryn qorǵaýdy úırenýi kerek. Eń aldymen, satyp alý kezinde chekterdi talap etý nemese kez-kelgen qyzmetti alý úshin jazbasha kelisim-sharttar jasaý qajet. Tek osylaı ǵana daýly jaǵdaılarda tutynýshylar taýardy nemese sapasyz qyzmetter úshin aqshasyn qaıtara alady. Eger problemalar týyndasa, onda aımaq turǵyndary Departamentke (8-7212) 42-52-11 nómirine qońyraý shalyp nemese dzppkrg@gmail.com elektrondy poshtasy arqyly habarlasa alady. Tutynýshylardyń quqyqtaryn qorǵaý týraly paıdaly aqparatty vedomstvonyń Instagram-paraqshasynan da alýǵa bolady.


Joǵary qaraı