Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qaraǵandy oblysynda TJ rejımin buzǵan 680 adamǵa ákimshilik hattama toltyryldy

2022 jyldyń 13 qańtar 2022 14:35

QARAǴANDY. QazAqparat - Qaraǵandy oblysyndaǵy qoǵamdyq-saıası jaǵdaı turaqty. Aımaqta tótenshe jaǵdaı rejımi jáne oǵan baılanysty birqatar shekteýler bar, dep habarlaıdy QazAqparat tilshisi.

TJ rejımin buzǵany úshin 680 ákimshilik hattama toltyryldy. 69 adam ákimshilik qamaýǵa alynyp, 26 buzýshyǵa aıyppul salyndy. 525 adam eskertý aldy.

Ótken táýlikte oblysta 34 qylmystyq quqyq buzýshylyq tirkeldi. Polıtsııa qyzmetkerleri olardyń 19-yn asha aldy.

TJ kezinde 45 tyıym salynǵan zat tárkilendi. Olardyń ishinde 18 dana tegis uńǵyly qarý bar. Sondaı-aq, esirtki zattaryn saqtaýdyń 9 faktisi anyqtaldy. Alty sheteldik kóshi-qon zańnamasyn buzǵany úshin ákimshilik jaýapkershilikke tartyldy.

«Polıtsııa departamenti turǵyndardy tótenshe jaǵdaı rejımin buzbaýǵa shaqyrady jáne polıtseılerdiń jumysyna túsinistikpen qaraıtyn azamattarǵa alǵys bildiredi», – dedi Qaraǵandy oblysynyń komendanty Erlan Faızýllın.


Joǵary qaraı