Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qaraǵandy oblysynda úsh jigit sýǵa batyp ketti

2022 jyldyń 16 mamyr 2022 17:36

QARAǴANDY. QazAqparat – Qaraǵandy oblysynda 21, 19 jáne 15 jastaǵy úsh jigit sýǵa ketti. Qutqarýshylar eki máıitti Qýsaq ózeniniń túbinen alyp shyqty. Sýǵa batyp ketken taǵy bir jigit Keńgir sý qoımasynan tabyldy, dep habarlaıdy QazAqparat tilshisi.

14 mamyr saǵat 12:00-de dıspetcher pýltine Qoshqar aýylynan ońtústikke qaraı 3 shaqyrym jerde Qusaq aýyldyq okrýginde 2001 jyly týǵan jas jigit pen 2007 jyly týǵan jasóspirim joǵalyp ketkeni týraly habarlama kelip tústi.

«Іzdeý jumysyna 86 adam, 29 tehnıka jáne 2 júzý quraly jumyldyryldy. Saǵat 12:35-te jergilikti turǵyndar 2001 jyly týǵan marqumnyń denesin ózennen taýyp aldy. Qaza tapqan ekinshi adamnyń máıitin qutqarýshylar 17:55-te 6 metr tereńdikten alyp shyqty. Oqıǵanyń mán-jaıy anyqtalyp jatyr», - dep habarlady Qaraǵandy oblysy TJD baspasóz qyzmeti.

Taǵy bir qaıǵyly oqıǵa Jezqazǵan qalasynda Keńgir sý qoımasynda boldy.

«Spýtnık» saıajaıy aýmaǵynda qutqarýshylar sýdan 2003 jyly týǵan jas jigittiń denesin alyp shyqty.

Qaraǵandy oblysynyń TJ departamenti óńir turǵyndaryna shomylý maýsymy áli bastalmaǵanyn eskertedi.








Joǵary qaraı