Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynda jumysshy mamandyqtardy damytýǵa 4 mlrd teńge bólindi

2021 jyldyń 3 naýryz 2021 08:40

QARAǴANDY. QazAqparat – Qaraǵandy oblysynda jumysshy mamandyqtardy damytýǵa 4 mlrd teńge bólindi. Óńirdiń jeti kolledjinde «Jas maman» jobasy júzege asyrylýda, dep habarlaıdy QazAqparat tilshisi.

Osy maqsatta oqý oryndary jańǵyrtylady, zamanaýı jabdyqtar satyp alynady. Stýdentterdi qajetti mamandyqtar boıynsha teorııa deńgeıinde oqytyp qana qoımaı, kólik, aýyl sharýashylyǵy, qurylys, jeńil ónerkásip, servıs jáne t. b. baǵyttary boıynsha tájirıbelik daǵdylardy alýǵa múmkindik jasalady.




Oblys ákimi Jeńis Qasymbek Qaraǵandyda jumys sapary barysynda tehnıkalyq-qurylys jáne joǵary polıtehnıkalyq kolledjderde boldy.

Oqý ornyn bitirýshilerdiń biri Vladımır Sarganov gaz-elektr dánekerleýshi mamandyǵyn alǵanyn, ony tájirıbe júzinde meńgergenin jáne oqý ordasynda oqytýshy bolyp jumys istegenin maqtanyshpen aıtty.

«Qazir kolledjde zamanaýı jabdyqtar bar. Onda oqý óte qyzyq. Buryn bizde eski jabdyqtar bolǵan jáne biz kásiporyndarǵa tájirıbege kelgende, qaıta daıarlyqtan ótýge týra keletin, sebebi óndiriste jańa jabdyqtar boldy. Al búgin bizde bári bar, sondyqtan biz jumys protsesine tezirek kirisemiz», - dep atap ótti Vladımır Sarganov.




Búgingi tańda oblystyń jeti kolledjinde quzyrettilik ortalyqtary qurylǵan, onda 68 sheberhana AQSh, Italııa, Germanııa, Shvetsııa, Frantsııa, Avstrııadan kelgen álemdik brendterdiń zamanaýı jabdyqtarymen jabdyqtalǵan. Olardyń tizimi WorldSkills standarttary eskerile otyryp jáne kásipkerler palatasynyń, sondaı-aq jumys berýshilerdiń usynystary negizinde qalyptastyrylǵan. Osy kolledjderdiń 190 pedagogy oqýdan ótip, sertıfıkat aldy.




Jyldyń sońyna deıin osyndaı segiz ortalyq ashý josparlanyp otyr. Olardyń resýrstary oqý protsesinde, demonstratsııalyq emtıhandardy ótkizý úshin jáne WSK-ge daıyndyq kezinde qoldanylady. Ortalyqtardyń áleýeti kommertsııalandyrý boıynsha jobalardy iske asyrýǵa múmkindik beredi.

«Jyl saıyn jumysshy mamandyqtarynyń bedeli qaıta jańǵyrýda, sheberlik daǵdylaryn damytý erekshe qurmetke ıe. Negizgi maqsat - suranysqa ıe 100 mamandyq boıynsha kolledjder men joǵary oqý oryndaryn jańǵyrtý jáne bilikti mamandar daıarlaýdyń halyqaralyq tájirıbesin engizý. Quzyrettilik ortalyqtary jaldamaly qyzmetkerlerdi ǵana emes, sonymen qatar kásipkerlerdi de daıyndaıdy, oqýshylarǵa bıznes-jobalardy ázirleýge, óz kásiporyndaryn ashýǵa kómektesedi», - dedi Jeńis Qasymbek.











Avtor Agata Mýhamedjanova
Basty sózder: Bilim, Qaraǵandy oblysy,
Joǵary qaraı