Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qaraǵandy oblysynyń 8 aýdanynda mektepterdegi sabaq toqtatyldy

2022 jyldyń 17 qańtar 2022 08:53

QARAǴANDY. QazAqparat - Aýa raıynyń qolaısyzdyǵyna baılanysty Qaraǵandy oblysynyń segiz aýdany men qalasyndaǵy mektepterde sabaq toqtatyldy. Oqýshylarǵa arnalǵan sabaqtar qashyqtan ótkiziledi, dep habarlaıdy QazAqparat tilshisi.

Bilim basqarmasynyń málimetinshe, 17 qańtar kúni saǵat 07:30-da aýa raıynyń qolaısyzdyǵyna baılanysty (kóktaıǵaq) 8 óńirde 0-11 synyp oqýshylarynyń birinshi jáne ekinshi aýysymyna arnalǵan sabaqtar qashyqtan oqytý formatyna aýystyrylady.

Atalmysh formatqa Abaı jáne Jańaarqa aýdandarynyń, Balqash, Qaraǵandy, Qarajal, Saran, Temirtaý, Shahtınsk qalalarynyń mektep oqýshylary kóshti. Aqtoǵaı aýdanynyń mektebinde «N.Ábdirov atyndaǵy JBBM» KMM birinshi jáne ekinshi aýysymdaǵy 0-11 synyp oqýshylaryna arnalǵan sabaqtar qashyqtan oqytý formatyna kóshedi.

Buqar jyraý aýdanynda osyndaı formattaǵy sabaqtar aýdannyń 14 mektebinde ótedi. Qarqaraly aýdanynda qashyqtan oqýǵa «№1 JBBM» KMM mektebi aýysty. Qarqaraly qalasynyń «Akademık O.Jáýtikov atyndaǵy №2 JBBM» KMM jáne Qarqaraly qalasynyń Á. Ermekov atyndaǵy mektebiniń oqýshylary sabaqty úıinen oqıdy.

Nura aýdanynda «Sh.Ýálıhanov atyndaǵy JBBM», «M. Jumabaev atyndaǵy JBBM», Y. Altynsarın atyndaǵy mektepte sabaq qashyqtan ótedi. Osakarov aýdanynda birinshi aýysymdaǵy 0-11 synyp oqýshylary úshin №1,12,9,23,26,15,28, 32,25,24,13 OM mektepterindegi sabaqtar qashyqtan oqytý formatyna kóshedi.


Avtor Agata Mýhamedjanova
Basty sózder: Qaraǵandy oblysy, Bilim,
Joǵary qaraı