Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynyń ákimi Qoǵamdyq keńes aldynda esep berdi

2021 jyldyń 17 aqpan 2021 21:52

QARAǴANDY. QazAqparat – Qaraǵandy oblysynyń ákimi Jeńis Qasymbek Qoǵamdyq keńes aldyndaǵy esebinde óńir 2020 jylǵy syn-qaterlerge qalaı tótep berdi jáne 2021 jyly qandaı jumystar atqarylatyny týraly aıtyp berdi, dep habarlaıdy QazAqparat tilshisi.

Barlyq qıyndyqtarǵa, TJ rejımi men karantındik shekteýlerge qaramastan, oblys damýdyń oń dınamıkasyn saqtap qaldy.

«Bizdiń birinshi kezektegi mindetterimiz turǵyndardyń densaýlyǵyn saqtaý, bıznesti qoldaý, turaqty tabys pen jumyspen qamtýdy qamtamasyz etý boldy. Ótken jyl aralyǵynda 2500-den astam turaqty jumys oryndaryn qurýmen 11 jańa óndiris iske qosyldy. Ónerkásipte ónim kólemi 1,5% ósimmen 2,9 trln teńgeni qurady. Investıtsııa tartýǵa úlken kóńil bólindi. Ótken jyly olardyń kólemi 678,2 mlrd teńgeni qurady, onyń 81,6% - jeke qarajat», - dep atap ótti Jeńis Qasymbek.

Túrli baǵdarlamalardyń arqasynda 35 myń jańa jumys orny ashyldy.

Jumyspen qamtý jol kartasy boıynsha 16 myń jumys ornyn qurýmen 140 eldi mekende 622 ınfraqurylymdyq joba iske asyryldy. Qalalar men aýyldyq jerlerde shamamen 300 shaqyrym jol, 200-den astam áleýmettik nysan jóndeldi, 37 eldi mekende sýmen jabdyqtaý jaqsardy.







Bıýdjet shyǵystary túzetýden ótti. Densaýlyq saqtaý salasyna qomaqty qarajat jumsaldy.

Qysqa merzimde oblysta jumys istep turǵan aýrýhanalar ınfektsııalyq gospıtaldarǵa qaıta beıindeldi. Jezqazǵanda 200 orynǵa shaqtalǵan jańa juqpaly aýrýlar gospıtali salyndy. Óńir boıynsha medıtsınalyq jabdyqtar parki jańartyldy. 242 ÓJJ apparaty, 40 tsıfrlyq rentgen-apparat satyp alyndy. Jyl ishinde 5 kompıýterlik tomografııa kabıneti jáne 11 PTR-zerthana ashyldy.

Jeńis Qasymbek Qoǵamdyq keńeske 2021 jylǵa arnalǵan josparlar týraly da aıtyp berdi. 14 iri óndiristi iske qosý kózdelip otyr. Boljam boıynsha, ınvestıtsııalar shamamen 715 mlrd teńgeni quraıdy.

Turǵyn úı qurylysy ulǵaıady. 3 myńnan astam áleýmettik qorǵalǵan otbasyn pátermen qamtamasyz etý kózdelip otyr.

Oblystyq jáne kentishilik joldardy retke keltirý jalǵastyrylady. Qalalar men aýdandarda sý jáne jylýmen jabdyqtaýdy jaqsartý úshin birqatar jobalar júzege asyrylýda.

Úkimettiń qoldaýynyń arqasynda óńirde birden jeti iri káriz-tazartý jelisi salynýda. Bıyl Prıozersk, Abaı qalalary, Ulytaý aýyly men Qarabas kentinde tazartý qurylystary paıdalanýǵa beriledi. Sondaı-aq, Qarqaraly aýdanynyń Qaraǵaıly kenti men Aqtoǵaıda jobalardy iske asyrý josparlanǵan.

«Bizdiń basty mindetimiz - oblys turǵyndarynyń ál-aýqatyn qamtamasyz etý. Oblysta sheshýdi qajet etetin máseleler áli de az emes. Munda sizderdiń qoldaýlaryńyz óte mańyzdy. Biz birge alǵa qoıǵan maqsattarymyzǵa qol jetkize alatynymyzǵa senimdimin», - dep atap ótti Jeńis Qasymbek.

Qoǵamdyq keńes músheleri bıliktiń jumysyna oń baǵa berdi.

«Ekonomıst retinde men oblystyq komandanyń tıimdi qyzmetin atap óte alamyn. Eń bastysy - turaqtylyq, jumys oryndary. Investıtsııa tartýdyń, ónerkásipti damytýdyń jaqsy kórsetkishteri bar», - dedi keńes tóraǵasy Erqara Aımaǵambetov.


Joǵary qaraı