Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy oblysynyń Saıaq aýylynda 20 km apattyq sý qubyry aýystyryldy

2021 jyldyń 30 shilde 2021 07:28

BALQASh. QazAqparat – Balqash qalasynyń Saıaq kentinde 20 shaqyrymǵa jýyq sý qubyry aýystyryldy. Qubyr 80% tozǵan. Osyǵan baılanysty apattar jıi oryn alyp, jergilikti turǵyndardyń úılerine sý turaqsyz berilip otyrdy, dep habarlaıdy QazAqparat tilshisi.

Eki jyl buryn bul másele birtindep sheshile bastady. Bılik sý taratqyshtyń tozǵan ýchaskelerin jóndeýge aqsha bóldi. Osy ýaqyt ishinde 160 shaqyrym qubyrdyń 20 shaqyrymy aýystyryldy.

«Saıaq kentiniń turǵyndaryn aýyz sýmen qamtamasyz etý erekshe baqylaýda turǵan másele bolyp qala beredi. Bir aı buryn Toqyraý–Saıaq sý taratqyshynyń apatty ýchaskelerin aǵymdaǵy jóndeý bastaldy. Uzyndyǵy 3,2 shaqyrym qubyrlardy aýystyrý úshin «Aımad» kompanııasy» JShS-men shart jasaldy. Merdiger uıym jumysyn aıaqtap jatyr, josparlanǵan ýchaskede sońǵy 500 metrdi aýystyrý qaldy. Aldaǵy aptada jumys aıaqtalyp, 10 tamyzdan bastap jańa ýchaskeni qaıta qosý bastalady», – dep atap ótti Balqash ákimdiginde.

Jaqyn arada taǵy 7,4 shaqyrym qubyr jelisine aǵymdaǵy jóndeý júrgizý qajet. Sý taratqyshtyń apatty ýchaskelerin aýystyrý jumystary jalǵasatyn bolady.

«Bul jumystardy oryndaý apatty jaǵdaıdy 7-10%-ǵa tómendetýge, sondaı-aq Saıaq kentinde kúndelikti sý berýdi turaqtandyrýǵa múmkindik beredi», – dep qosty Balqash ákimdiginde.


Joǵary qaraı