Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy polıtseıleri bir kúnde joǵalǵan 3 balany tapty

2021 jyldyń 17 maýsym 2021 22:45

QARAǴANDY. QazAqparat – Qaraǵandy qalasynyń polıtsııa bólimderine úsh ata-anadan balasynyń joǵalǵany týraly aryz túsken. Úsh oqıǵa da ótken táýlikte bolǵan. Tártip saqshylary balalardy jedel taýyp berdi, dep habarlaıdy QazAqparat tilshisi.

16 maýsymda Qaraǵandyda joǵalǵan balalarǵa qatysty úsh fakt tirkeldi. Qaraǵandy qalasynyń ІІB Mıhaılov polıtsııa bólimine 10 jasar balanyń anasy júgindi.

Ol ulynyń úıdiń aýlasynda oınap júrip, belgisiz baǵytta ketip qalǵanyn jetkizdi.

Tártip saqshylary jedel túrde birneshe mobıldi top qurdy, olar qalanyń aýlalaryn aralaı bastady.

Aýqymdy izdestirý sharalary barysynda polıtsııa bir saǵat ishinde joǵalyp ketken balany taýyp, ony ata-anasyna tapsyrdy.

Sol kúni Qaraǵandy qalasy PB Ońtústik-Shyǵys polıtsııa bólimine balalardyń joǵalǵany týraly eki habarlama kelip tústi.

Birinshi jaǵdaıda dabyldy 11 jasar qyzdyń ata-anasy kóterdi. Áıeldiń aıtýynsha, ol qyzymen jáne kenje balasymen úıdiń aýlasynda birge júrgen.

Sodan keıin ol nárestesin úıge alyp kirgen, al qaıtyp kelgende qyzynyń joǵalyp ketkenin túsingen.

Ekinshi jaǵdaıda polıtsııaǵa 9 jasar balanyń ájesi júgindi.

Ol velosıpedpen serýendeýge suranǵan. Arada birneshe saǵat ótse de, bala oralmaǵan.

Ár ótinish boıynsha polıtsııa dereý izdeý sharalaryn uıymdastyryp, qyz ben ul balany taýyp alǵan. Olar týystaryna qaıtaryldy.


Joǵary qaraı