Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy tehnıkalyq ýnıversıteti vaktsına saldyrǵandarǵa syılyq beredi

2021 jyldyń 28 shilde 2021 11:57

QARAǴANDY. QazAqparat – Qaraǵandy tehnıkalyq ýnıversıteti vaktsına saldyrǵandarǵa sporttyq-saýyqtyrý lagerine tegin joldamalar beredi, dep habarlaıdy QazAqparat.

Sondaı-aq vaktsına alǵandar aǵylshyn tili kýrstaryna qatysyp, ýnıversıtet rektorynyń stıpendııasyn taǵaıyndaý kezinde basymdyqqa ıe bolady.

Qaraǵandy tehnıkalyq ýnıversıteti vaktsınatsııadan ótkender úshin osyndaı yntalandyrý týraly jarııalady.

Búgingi tańda JOO-da stýdentterdiń 22%-y jáne qyzmetkerler men oqytýshylardyń 76%-y koronavırýs ınfektsııasyna qarsy ekpe aldy.

«Aktsııany jarııalaı otyryp, biz stýdentterge basty nazar aýdaramyz. Bul kúzgi semestrde aǵylshyn tilin úırený boıynsha tegin kýrstar. Barlyǵy 30 oqýshyny qamtýdy josparlap otyrmyz. Sonymen qatar, jyl saıyn ýnıversıtet rektorynyń stıpendııalary taǵaıyndalady. Bıylǵy jyly vaktsınatsııalanǵandarǵa basymdyq beriledi», – dep túsindiredi tárbıe jumysy jónindegi prorektor Mıras Quttybaı.

Sondaı-aq, «Polıtehnık» sporttyq-saýyqtyrý lagerine bir aptaǵa tegin joldamalar oınatylady. Kelesi jyldyń jazynda barýǵa bolady. Joldamalar stýdentter, qyzmetkerler men oqytýshylar arasynda oınatylady. Vaktsınany 10 tamyzǵa deıin alǵandardyń barlyǵy qatysa alady. Utys oıyny qyrkúıek aıynyń basynda ótedi.

«Men ózim sáýir aıynda ekpe aldym. Qazir meni qan ortalyǵyna shaqyrady. Donor retinde men kovıd-naýqastarǵa plazma tapsyramyn. Vaktsınatsııa pandemııany jeńýge kómektesedi dep sanaımyn», – deıdi Mıras Quttybaı.


Joǵary qaraı