Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandy turǵyny 777 shaqyrymdy jaıaý júrip ótti

2021 jyldyń 3 tamyz 2021 22:06

QARAǴANDY. QazAqparat – Qazaqstan Táýelsizdiginiń 30 jyldyǵyna oraı prodıýser ári bloger Ashat Qajytaı Qaraǵandydan Ulytaýǵa jaıaý jetip, 777 shaqyrymdy baǵyndyrdy. «Ulytaý — ult uıasy» monýmentiniń janynda marafonshyny ájeıler shashýmen qarsy alyp, qymyz berdi, dep habarlaıdy QazAqparat tilshisi.

«Meniń «Jaıaý» marafonymnyń negizgi maqsaty - adamdarǵa aýdandar men aýyldardyń ómiri men tarıhy týraly aıtyp berý. Meni alda uzaq jol kútip tur. Onyń aldynda men qasıetti Ulytaýǵa baryp, bata alýdy sheshtim», - dep bólisti saıahatshy.

Bul – Ashattyń alǵashqy jaıaý marafony emes. Ótken jyly ol Qaraǵandydan Aqsoranǵa deıin 333 shaqyrym jol júrip ótti.

Saıahatshy bes marshrýt jasaǵan. Marafon kúzde Túrkistanda aıaqtalady. Ol aıaqtalǵannan keıin Ashat óziniń saıahaty týraly beıneesep pen kitap shyǵarýǵa nıetti.

Bolashaqta ol Eýropany jaıaý baǵyndyrýdy josparlap otyr.













Joǵary qaraı