Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandyda 5 esirtki zerthanasyn qurǵan transulttyq uıymdasqan qylmystyq top ustaldy

2021 jyldyń 17 sáýir 2021 10:28

QARAǴANDY. QazAqparat – Qaraǵandy polıtseıleri transulttyq qylmystyq toptyń jolyn kesti, dep habarlaıdy QazAqparat.

Qylmystyq topty ustaý barysynda olardan 70 keli sıntetıkalyq esirtki men 3,5 tonna prkýrsorlar tabyldy. Uıymdasqan top elimizdiń 5 oblysynda júıkege áser etetin zattardy saýdalaýmen aınalysqan.

Esirtki zattarynyń zańsyz aınalymymen aınalysatyn tulǵalardy anyqtaý jáne ustaý maqsatynda Qaraǵandy oblysy Polıtsııa departamentiniń basshylyǵy arnaıy jedel-tergeý tobyn qurdy. Olardyń jumysynyń nátıjeleri boıynsha QR ІІM Esirtki qylmysyna qarsy is-qımyl departamentiniń kómegimen Qazaqstan Respýblıkasynyń 5 oblysynyń aýmaǵynda jumys isteıtin 5 esirtki zerthanasyn qurýǵa qatysy bar 10-nan astam adam ustaldy.

«Qylmystyq isti tergeý barysynda osy zerthanalardy uıymdastyrýshylar Qazaqstan Respýblıkasynan tys jerde bola otyryp, Qazaqstan Respýblıkasynyń, Reseı Federatsııasynyń, TMD elderiniń jáne alys shetelderdiń aýmaǵynda psıhotroptyq zattardy daıyndaýmen, saqtaýmen, tasymaldaýmen jáne ótkizýmen aınalysatyn transulttyq uıymdasqan top qurǵany anyqtaldy. Sondaı-aq, «Telegramm» jáne «Sıgnal» messendjerleri arqyly Qazaqstan aýmaǵynda jumys isteıtin qurylymdyq bólimshesin basqarýmen jáne úılestirýmen aınalysqan», - dep atap ótti Polıtsııa departamentiniń basshysy Erlan Faızýllın.

Transulttyq uıymdasqan qylmystyq top kýratorlary psıhotroptyq zattardy shetelden Qazaqstan Respýblıkasyna jetkizý arnasyn uıymdastyrǵan, psıhotroptyq zat suıyq bolǵan jáne avtomobıl maılary men qosalqy bólshekter, alkogoldi ishimdikter, turmystyq zattardyń, maıly radıatorlar men órt sóndirgishterdiń ishine quıylyp logıstıkalyq fırmalar arqyly tasymaldanǵan.

Transulttyq uıymdasqan toptyń qatysýshylarynan qurǵaq jáne suıyq túrinde alynǵan sıntetıkalyq esirtkilerdiń jalpy sany 70 keliden astam daıyn zatty jáne 3,5 tonnadan astam prekýrsorlardy quraıdy.

Transulttyq uıymdasqan topty uıymdastyrý jáne basshylyq etý faktisi boıynsha QR QK 264-babynyń 1 jáne 2-tarmaqtary negizinde sotqa deıingi tergeý bastaldy. Tergeý amaldary júrgizilip jatyr.


Joǵary qaraı