Aýa raıy
Astana 19 °S
Almaty 20 °S
valıýta baǵamy
USD 411.66
EUR 465.92
RUB 5.81
CNY 58.79

Qaraǵandyda avtobýs pen júk kóligi soqtyǵysyp, 8 adam zardap shekti

2019 jyldyń 12 qarasha 2019 21:02

QARAǴANDY. QazAqparat – Qaraǵandy oblysynda jolaýshylar tasymaldaıtyn avtobýs pen júk kóligi soqtyǵysyp, 8 adam zardap shekti, onyń 5-i tájikstandyqtar, dep habarlaıdy QazAqparat tilshisi.

Oqıǵa 11 qarasha saǵat 23:30 shamasynda Qaraǵandy oblysynyń Aqtoǵaı aýdanynyń Saryshaǵan aýyly mańynda bolǵan. «Van Hool» avtobýsynyń 38 jastaǵy júrgizýshisi Almaty qalasyna qaraı kele jatyp, 55 jastaǵy júrgizýshiniń basqarýyndaǵy «Volvo» júk kóligine soǵylǵan.

«Apat saldarynan 8 adam aýrýhanaǵa, onyń ishinde 4 adam jansaqtaý bólimine jatqyzyldy. Zardap shegýshiniń bireýi óte aýyr halde», - dedi Qaraǵandy oblysynyń Densaýlyq saqtaý basqarmasy.

Oqıǵa kezinde avtobýs salonynda 15 jolaýshy men 2 júrgizýshi bolǵan.

«Aldyn ala málimetter boıynsha apat kóktaıǵaq saldarynan bolǵan. Kólik oqıǵasyna qatysty tıisti saraptamalar taǵaıyndalyp, nátıjesinde sońǵy protsessýaldyq sheshim qabyldanady», - dedi Qaraǵandy oblysy PD baspasóz qyzmeti.

Joǵary qaraı