Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandyda er adamnyń quldyqta bolǵany týraly is qarastyrylyp jatyr

2021 jyldyń 24 qyrkúıek 2021 15:18

QARAǴANDY. QazAqparat – Qaraǵandylyq polıtseıler áleýmettik jelide jarııalanǵan beınehabarlaǵa qatysty oqıǵanyń mán-jaıyn anyqtaýda. Kadrda er adam ony bir jigit eńbek quldyǵynda ustaǵanyn jáne uryp-soqqanyn málimdedi, dep habarlaıdy QazAqparat tilshisi.

Pavlodar oblysynyń turǵyny beıneótinish jazyp, onda ol Qaraǵandynyń mańynda eńbek quldyǵynda ustalǵany týraly habarlaıdy. Er adam onyń jumys berýshisi atqarǵan jumysy úshin qaryzyn tólemegenine, sondaı-aq ony birneshe aı boıy uryp-soǵyp otyrǵanyna shaǵymdanady.

«Tamyz aıynda men Maratqa jumysqa turdym. Jelezınsk aýdanyna baryp, onda bir nysandy óńdedik. Ol maǵan eńbekaqymdy tólemedi. Men odan jalaqymdy suraǵanda, ol meni uryp-soqty. Sodan keıin Qaraǵandyǵa ekinshi nysanǵa bardyq. Onda da jumys istedik. Sodan keıin men taǵy da jalaqy suradym. Ol meni taǵy urdy. 21 qyrkúıekte men túski ýaqytta qashyp kettim. Marat meniń uıaly telefonymdy alyp qoıdy. Sondaı-aq, meniń qujattarym, jeke zattarym sol jerde qaldy. Brıgadanyń alty adamynan qazir eki adam qaldy. Bireýi – Qyrǵyzstan azamaty. Jumys isteımiz, aqshamyzdy suraımyz. Biraq olar bizge bermeıdi. Tek mezgil-mezgil uryp-soǵady. Meniń jalaqymdy tóleýge kómektesýdi jáne ony uryp-soǵý faktisi boıynsha jaýapqa tartýdy suraımyn. Kómek suraımyn», - deıdi er adam.

Qaraǵandy oblysynyń Polıtsııa departamenti bul istiń mán-jaıyn anyqtap jatqanyn málimdedi.

«Áleýmettik jelilerge monıtorıng júrgizý barysynda er adamǵa atqarylǵan jumys úshin aqsha tólemeý jáne jumys berýshi tarapynan uryp-soǵý faktisi boıynsha beıneótinish joldandy. Atalǵan fakti Qaraǵandy qalasynyń polıtsııa basqarmasynda tirkeldi. Polıtsııa qyzmetkerleri vıdeo avtorynyń – Pavlodar oblysynyń 41 jastaǵy turǵynynyń kim ekenin anyqtady. Qazirgi ýaqytta onyń ornalasqan jeri anyqtalyp jatyr», - dep habarlady vedomstvonyń baspasóz qyzmeti.


Joǵary qaraı