Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandyda qarashanyń sonynda revaktsınatsııa bastalady

2021 jyldyń 27 qazan 2021 14:24

QARAǴANDY. QazAqparat – Qaraǵandyda COVID-19-ǵa qarsy revaktsınatsııa qarasha aıynda bastalady. Bul týraly Qaraǵandy qalasynyń №3 emhanasynyń dárigeri Aısulý Bıkenova habarlady. Ol sondaı-aq reavktsınatsııany júrgizý tártibi jáne qaraǵandylyqtardyń qandaı preparattar alatyny týraly aıtyp berdi, dep habarlaıdy QazAqparat tilshisi.

Qaraǵandy qalasynyń №3 emhanasynyń dárigeri Aısulý Bıkenovanyń aıtýynsha, Qaraǵandyda revaktsınatsııa qarashanyń úshinshi onkúndiginde bastalady, sebebi vaktsınatsııa naýqany bastalǵannan beri jetkilikti ýaqyt ótken.

«Birinshi kezekte revaktsınatsııa koronavırýsqa qarsy vaktsınanyń eki dozasyn alǵandarǵa arnalǵan. Endi hattamaǵa sáıkes, buryn «Spýtnık-V» sııaqty vektorlyq vaktsınany alǵandar Vero Cell sııaqty belsendi emes vaktsınany alýy kerek. Revaktsınatsııa ýaqytyna keletin bolsaq-vektorlyq vaktsınanyń ekinshi dozasyn alǵan sátten bastap 9 aıdy esepteý qajet, al eger vaktsına ınaktıvatsııalanǵan bolsa, onda ekinshi ret egýdi 6 aıdan keıin alýǵa bolady», - dep habarlady Aısulý Bıkenova.

Dárigerler túsindirgendeı, revaktsınatsııa kezinde patsıentter basqa markaly vaktsınanyń bir dozasyn alady. Olardyń aıtýynsha, antıdeneler jaqsy damýy úshin qarama-qaıshy revaktsınatsııa jasaý kerek.

«Buryn belsendi emes vaktsına salýǵa keńes berilgen adamdarda ımmýnıtet paıda boldy, sondyqtan vektordy alý ońaıyraq bolady. Eger adam qaýip tobyna kirmese, onda ol antıdenelerdi tekserip, ony jalpy tájirıbelik dárigerge apara alady jáne ol sizge revaktsınatsııa jasaý qajet pe, joq pa sony túsindirip aıtady. Ádette revaktsınatsııa jasaýǵa antıdene deńgeıi kem degende 30 IgM-den tómen bolmaǵanda keńes beredi», - deıdi Aısulý Bıkenova.

Birinshi kezekte medıtsınalyq uıym qyzmetkerleri, polıtsııa qyzmetkerleri, múmkindigi shekteýli adamdar, dıspanserlik esepte turǵan adamdar arasynda revaktsınatsııa júrgiziledi. Ol úshin emhanalardyń medıtsınalyq qyzmetkerleri oqý kýrsynan ótti, onda olarǵa revaktsınatsııa kezinde vaktsınanyń bir dozasymen qalaı egý kerektigi túsindirildi. Sondaı-aq, ekpe kabınetiniń qyzmetkerleri úshin buryn Qaraǵandyda bolmaǵan Pfizer vaktsınasyn qoldaný boıynsha nusqaýlyq ótkizildi.

«Bul vaktsına saqtaý temperatýrasymen erekshelenedi – mınýs 60-70 gradýs. Eger siz ony «Spýtnıkpen» salystyrsańyz, onda saqtaý jáne tasymaldaý kameralarynda aıyrmashylyqtar bar. Ol uzaq erıdi jáne bir ampýla 5 emes, 6 adamǵa arnalǵan. Pfizer vaktsınasy «Spýtnık-V» alǵan adamdarǵa egiledi. Al alǵash ret Pfizer vaktsınasyn tek júkti, bala emizetin áıelder men 12 jastan asqan balalar ǵana alady», - dep túsindirdi №3 emhananyń dárigeri.

Ázirge qala emhanalarynda «Spýtnık-V», Vero Cell jáne QazVac sııaqty vaktsınalar bar. Endi joǵaryda atalǵan toptar ǵana emes, barlyq adamdar da qaıta vaktsınatsııadan óte alady. Dárigerler aldyńǵy eki vaktsınanyń áserin bekitý úshin qaıta ekpe alýdy usynady. Biraq adamdar úshinshi vaktsınadan keıin qansha ýaqyt revaktsınatsııalanbaıtyny ázirge belgisiz.


Joǵary qaraı