Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandyda kópbalaly otbasylardy qoldaýǵa arnalǵan chellendj bastaldy

2021 jyldyń 23 qarasha 2021 12:41

QARAǴANDY. QazAqparat - Qaraǵandydaǵy «Shańyraq» kópbalaly otbasylardy qoldaý ortalyǵy qaıyrymdylyq chellendjin bastady, dep habarlaıdy QazAqparat.

«Shańyraq» kópbalaly otbasylardy qoldaý ortalyǵy elimizdiń táýelsizdigine oraı jáne «Igi ister» marafony aıasynda «Meıirim syıla!» chellendjin jarııalady.

«Chellendjdi biz balalarǵa kıim taratýdan bastadyq. Demeýshi kásipkerlerdiń biri boldy. Sodan keıin bizdi «Ana-Mama» qoǵamdyq qory qoldady. Olar 50 otbasyna azyq-túlik sebetin daıyndady, biz birge tarattyq. «Ana-Mama» QQ estafetany «Birlik» jáne «Zeket» qorlaryna tapsyrdy. Sonymen, jaqsylyq tizbekte júredi. Chellendjdiń maqsaty – muqtaj adamdarǵa qoldaý kórsetý, nazar aýdarý. Adamǵa onyń mańyzdy jáne qajet ekenin kórsetý kerek, tek tamaqtandyrý nemese kııý ǵana emes, ony kez-kelgen jaǵdaıda qoldaý kerek. ıAǵnı, júregińizdiń meıirimdiligimen bólisý kerek. Mysaly, kóp balaly otbasylardan shyqqan nemese jetim balalardy oıyn alańdaryna aparýǵa bolady», – deıdi kópbalaly otbasylardy qoldaý ortalyǵynyń dırektory Lázzat Qojahmetova.




Chellendjge barlyq tilek bildirýshiler qatysa alady. Ol Táýelsizdik kúnine deıin jalǵasady.

Kóp balaly nemese az qamtylǵan otbasylarǵa kómek kórsetý úshin +7-778-398-45-03 telefonyna qońyraý shalýǵa nemese Kenshiler dańǵyly, 10s mekenjaıy boıynsha ornalasqan «Shańyraq» kóp balaly otbasylardy qoldaý ortalyǵyna júginýge bolady.

Chellendj heshtegteri: #Qazaqstan30jyl, #MeninQazaqstanym, #Tauelsizdik, #Táýelsizdik30jyl.





Joǵary qaraı