Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandyda órt shyqqan úıden 10 adam qutqaryldy

2021 jyldyń 14 qazan 2021 15:51

QARAǴANDY. QazAqparat – Qaraǵandyda órt shyqqan úıden 10 adam evakýatsııalandy. Olardyń arasynda eki bala boldy. Sońǵy táýlikte qaraǵandylyq qutqarýshylar 12 ret órt sóndirýge shyqqan, dep habarlaıdy QazAqparat tilshisi.

13 qazanda keshke saǵat 20:27-de Pıchýgın kóshesindegi 5 qabatty turǵyn úıdegi órt týraly habarlama kelip tústi. Ótinish berýshi órtenip jatqan páterde balalar bolýy múmkindigin aıtty. Shaqyrý ornyna jedel kelgen órt sóndirýshiler dereý adamdardy qutqarýǵa kiristi.

«Barlaý júrgizgen kezde 3 qabattaǵy páterdiń asúıinde jalpy kólemi 6 sharshy metr jerdiń janǵany anyqtaldy. Qatty tútin saldarynan kireberistegi páterlerden birneshe turǵyn ózdiginen shyǵa almaı qalǵan. Órt sóndirýshiler qutqarý qalpaqtaryn qoldana otyryp, kireberisten 10 adamdy, onyń ishinde janyp jatqan páterdiń ústindegi páterde bolǵan 2 balany alyp shyqty. Teplovızordyń kómegimen barlyq irgeles jáne jaqyn ornalasqan páterler tekserildi. Qabyldanǵan sharalardyń arqasynda órt 21:05-te sóndirildi. Aldyn ala boljam boıynsha órt elektr symdarynyń qysqa tuıyqtalýynan shyqqan», - dep málimdedi Qaraǵandy oblysy TJD baspasóz qyzmeti.

Ótken táýlikte Qaraǵandy oblysy Tótenshe jaǵdaılar departamenti bólimsheleriniń qyzmetkerleri 20 ret shaqyrtýǵa shyqqan, onyń ishinde órt sóndirýge 12 ret, avarııalyq-qutqarý jáne izdeý jumystaryna 8 ret shyqqan. Jalpy eseptegende 17 adam qutqaryldy.

5 órt elektr symdarynyń qysqa tuıyqtalýynan bolǵany anyqtaldy. Bul rette peshter men tútin murjalaryn ornatý kezinde órt qaýipsizdigi erejeleriniń buzylýy ottyń tutanýyna sebep bolǵan.


Joǵary qaraı