Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandyda polıtseıler órtten jeti adamdy qutqardy

2021 jyldyń 22 qazan 2021 18:14

QARAǴANDY. QazAqparat - Qaraǵandy polıtseıleri órt kezinde 7 adamdy qutqardy, dep habarlaıdy QazAqparat tilshisi.

Qaraǵandy qalasy Polıtsııa basqarmasynyń jedel basqarý ortalyǵy patrýldik polıtsııa polkiniń jasaqtaryna jeke sektordaǵy úıdiń biri órtenip jatqanyn habarlaǵan. Oqıǵa ornyna birinshi bolyp polıtsııa aǵa leıtenanty Baýyrjan Túsipbekov, polıtsııa leıtenanty Ildar Qasenov jetken. Patrýldik ekıpajy kelgende jeke úıdiń shatyry janyp jatqany belgili boldy. Kýágerlerdiń aıtýynsha, ishte eki eresek jáne eki bala qalǵan. Polıtseıler esh oılanbastan órt ishinde úı ıelerin qutqarýǵa kirisken. Olar barlyq adamdy kóshege alyp shyqqan. Osy ýaqytta jalyn kórshi úıdi sharpı bastaǵan. Onda eki eresek pen bala bolǵan.

«Áriptesterine kómekke quramynda polıtsııa aǵa leıtenanty Qurmet Qunanbaev, polıtsııa leıtenanty Azamat Ákimjanov, rota komandıriniń orynbasary Іlııa Jaqanov bar ekıpaj keldi. Olar ekinshi úıden adamdardy jedel evakýatsııalady. Órt sóndirýshiler kelgen soń polıtseıler qyzmetin jalǵastyrdy», - dep habarlady Qaraǵandy oblysy PD baspasóz qyzmeti.





Joǵary qaraı