Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandyda turǵyndarǵa gaz búrkip, eldi dúrliktirgen buzaqy qamaýǵa alyndy

2021 jyldyń 21 qazan 2021 13:34

QARAǴANDY. QazAqparat – Shahtınsk qalasynyń 41 jastaǵy turǵyny kóshede ketip bara jatqan adamdarǵa gaz ballonnan shashqan, adam qamaýǵa alyndy, dep habarlaıdy QazAqparat tilshisi.

Er adam negizinen Qaraǵandynyń saýda úılerinde ótip bara jatqan adamdarǵa shabýyldaǵan. Ol eshqandaı sebepsiz adamdarǵa ballonnan gaz búrkip, qorqytqan. Osy áreketteri úshin oǵan ákimshilik quqyq buzýshylyq týraly hattama toltyryldy. Belgili bolǵandaı, tártip saqshylary ony buǵan deıin de jaýapqa tartqan.

«O.Maksımovqa Buqar Jyraý dańǵyly boıyndaǵy «Mını Market» dúkeniniń janynda qoǵamdyq orynda bylapyt sóılep, adamdarǵa tıiskeni úshin ákimshilik quqyq buzýshylyq týraly hattama toltyrylǵan anyqtaldy. Buǵan deıin ol ÁQBtK-niń 434-babynyń 1-bóligi, 434-babynyń 2-bóligi boıynsha jaýapqa tartylǵan.

Ákimshilik quqyq buzýshylyq jasaǵany úshin ÁQBtK-niń 434-babynyń 2-bóligi boıynsha on bes táýlikke deıingi merzimge qamaý túrindegi jaza kózdelgen.

Maksımovtyń osyǵan uqsas quqyq buzýshylyqtar jasaǵany úshin buryn birneshe ret jaýapqa tartylǵanyn eskere otyryp, sot oǵan 15 táýlik merzimge qamaýǵa alý túrinde jaza qoldandy», - dep habarlady Qaraǵandy oblystyq sotynyń baspasóz qyzmeti.

Ákimshilik jazadan basqa, er adam psıho-nevrologııalyq aýrýhanada májbúrlep emdelýge jiberildi.


Joǵary qaraı