Aýa raıy
Astana -2 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandyda TJD qyzmetkeri 7 myń úıdi aralady

2020 jyldyń 25 qyrkúıek 2020 04:00

QARAǴANDY. QazAqparat – Qaraǵandy oblysynyń Tótenshe jaǵdaılar departamenti jylý berý maýsymy qarsańynda halyqpen aýqymdy úgit-nasıhat jumystaryn júrgizýde, dep habarlaıdy QazAqparat tilshisi.

TJD qyzmetkerleri kópbalaly otbasyna peshtiń tútindigin jınalǵan kúıeden tazartýǵa kómek kórsetti. Sonymen qatar olar ýly gaz datchıgin ornatyp, peshtiń aldynda shoqtan qorǵaý úshin qańyltyr paraǵyn tósep berdi. Buǵan qosa pesh júıesi tekserilip, ony qaýipsiz paıdalaný boıynsha usynystar berildi.

Profılaktıkalyq aktsııa aıasynda halyqtyń áleýmettik osal toptarynyń 7300-den astam úıin aralaý júrgizildi.

Úkimettik emes uıymdarmen jáne jergilikti atqarýshy organdarmen birlesip jeke turǵyn úılerde órt habarlaǵyshtaryn, ýly gaz datchıkterin ornatý boıynsha jumystar júrgizildi. 139 datchık ornatyldy.

«Júrgizilgen profılaktıkalyq jumystar óziniń oń nátıjelerin berýde. 2020 jyldyń basynan beri oblys aýmaǵynda 980 órt boldy, bul ótken jylmen salystyrǵanda 16%-ǵa az (1179). Aǵymdaǵy jyly órtterde 18 adam qaza tapty al ótken jyly 20 adam, onyń ishinde 1 bala. Sondaı-aq órtte jaraqat alǵandar sany azaıdy. Osy jyldyń basynan beri 16 adam jaraqat aldy, al 2019 jyly osy kezeńde 19 adam tirkelgen bolatyn», - dedi TJD baspasóz qyzmeti.


Joǵary qaraı