Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qaraǵandyda Ulttyq ulannyń qaza tapqan sarbazdarynyń týǵan-týystaryna marapattar tabys etildi

2022 jyldyń 19 qańtar 2022 03:30

QARAǴANDY. QazAqparat – Qyzmettik boryshyn atqarýdaǵy erligi men adaldyǵy úshin el Prezıdentiniń Jarlyǵymen qaraǵandylyq Aıbat Amanov pen Madııar Qaısarov qaıtys bolǵannan keıin III dárejeli «Aıbyn» ordenimen marapattaldy. Ulttyq ulandar Taldyqorǵan men Qyzylordada quqyqtyq tártipti qalpyna keltirý kezinde qaza tapty., dep habarlaıdy QazAqparat tilshisi.

Memleket basshysynyń atynan marapatty qaza bolǵandardyń týǵan-týystaryna Qaraǵandy oblysynyń ákimi Jeńis Qasymbek tabys etti.

«Beıbit ýaqytta bizdiń jaýyngerlerimizdiń ólimi barlyǵymyz úshin úlken qaıǵy boldy. Biz Otanymyzdyń qorǵaýshylary, ómiriniń sońyna deıin Zańǵa jáne Qazaqstan halqyna qyzmet etkenderdiń barlyǵynyń esimderin árdaıym este saqtaıtyn bolamyz. Biz úshin Aıbat pen Madııar máńgi erlik pen abyroıdyń úlgisi bolyp qala beredi. Olardyń esimderi Qazaqstan Respýblıkasy Ulttyq ulanynyń batyrlyq shejiresine enedi», – dedi Jeńis Qasymbek.

Oblys ákimi Jeńis Qasymbek, QR Ulttyq ulan Bas qolbasshysynyń tárbıe jáne áleýmettik-quqyqtyq jumystar jónindegi orynbasary general-maıor Álibek Seralıev jáne QR Ulttyq ulanynyń «Ortalyq» óńirlik qolbasshylyǵynyń qolbasshysy polkovnık Sakentaı Shekarbekov qaza tapqan sarbazdardyń ata-analaryna laıyqty uldar tárbıelegenderi úshin alǵys aıtty.

«Otanymyzdyń laıyqty batyrlaryn tárbıelegen sizderge shyn júrekten kóńil aıtamyz. Beıbit ýaqytta ulynan aıyrylý – orny tolmas qasiret. Sizderdiń aýyr qaıǵylaryńyzǵa ortaqpyz. Biraq biz Sizderdiń uldaryńyz sııaqty jaýyngerlerdiń quqyq qorǵaý áskerleriniń qatarynda qyzmet etkenin jáne qyzmet etip jatqanyn maqtan tutamyz. Olar qarapaıym azamattardy jáne memleketimizdi Otanymyzdy jaýlap alýǵa tyrysqan zulym jaýdan qorǵady. Olar biz úshin árqashan naǵyz erlik pen Qazaqstanǵa degen súıispenshiliktiń úlgisi bolady», – dedi batyrlardyń ata-analaryna Álibek Seralıev.

Sonan soń ol Ulttyq ulannyń «Ortalyq» óńirlik qolbasshylyǵynyń áskerı qyzmetshileri atynan qaza tapqan sarbazdyń týystaryna 7 mln teńgeden tabys etti.

Aıbat Amanov 2003 jyly Atasý kentinde dúnıege kelgen, QR Ulttyq gvardııasynda, Taldyqorǵan qalasynyń №5514 áskerı bóliminde qyzmet etken.

Madııar Qaısarov 2002 jyly Qaraǵandy qalasynda dúnıege kelgen, QR Ulttyq gvardııasynda, «Ońtústik» óńirlik qolbasshylyǵy, Qyzylorda qalasy, 5547 áskerı bóliminde qyzmet atqarǵan.

Qaza tapqandardyń otbasylaryna barlyq qajetti kómek kórsetiledi.

Joǵary qaraı