Aýa raıy
Astana -24 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandydaǵy «Araı» bazaryn órtegen eki kúdikti ustady

2020 jyldyń 23 qazan 2020 14:04

QARAǴANDY. QazAqparat - Qaraǵandyda eki kúdikti urlyq faktisin jasyrý úshin qasaqana órt uıymdastyrǵan, dep habarlaıdy QazAqparat Polisia.kz saıtyna silteme jasap.

21 qazan kúni túnde Qaraǵandy qalasyndaǵy «Araı» bazaryndaǵy konteınerlerdiń birinen órt shyqqan. Órt tez órship, jalyn qasyndaǵy konteınerlerdi sharpyǵan. Saldarynan 14 konteıner otqa oranyp, jalpy kólemi 200 sharshy metr aýmaq zardap shekken. Polıtsııa qyzmetkerleri órt – tehnıkalyq saraptama qorytyndysy boıynsha órtti qasaqana bireýdiń uıymdastyrǵanyn anyqtady.

Atalǵan fakt boıynsha Qazaqstan Respýblıkasy Qylmystyq kodeksiniń 202-baby 2-tarmaǵyna (Bótenniń múlkin qasaqana joıý nemese búldirý) sáıkes qylmystyq is qozǵaldy. Qylmysty ashý maqsatynda Polıtsııa departamentiniń tájirıbeli qyzmetkerlerinen jedel-tergeý toby quryldy.

22 qazan kúni krımınaldyq polıtsııa qyzmetkerleri jedel-izdestirý is-sharalaryn ótkizý barysynda osy qylmysqa qatysy bar degen kúdikpen 28 jáne 51 jastaǵy eki azamatty anyqtady. Polıtsııa qyzmetkerleri Aqmola oblysynyń turǵyny bolyp tabylatyn birinshi kúdiktini Buqar jyraý aýdanynyń Botaqara kentinen ustasa, Shahtınsk qalasynyń turǵyny bolyp tabylatyn ekinshi kúdiktini Qaraǵandy qalasynda qolǵa túsirdi. Olar órtti osyǵan deıin jasaǵan urlyq faktisiniń izin jasyrý úshin uıymdastyrǵandaryn moıyndady.

Qazirgi ýaqytta ýaqytsha ustaý ızolıatoryna qamaldy, tergeý amaldary júrgizilýde.


Basty sózder: Qaraǵandy oblysy, Qylmyspen kúres,
Joǵary qaraı