Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandylyq bıshi parabıden Álem kýbogynda eki qola enshiledi

2021 jyldyń 13 maýsym 2021 15:07

QARAǴANDY. QazAqparat – Qaraǵandylyq daryndy bıshi Aıgúl Balmaǵambetova Italııada ótken parabı boıynsha Álem kýbogynyń eki márte qola júldegeri atandy, dep habarlaıdy QazAqparat.

Sportshy eki nomınatsııa boıynsha óner kórsetti – Single Women jáne Single Women Freestyle. Tóreshilerdiń basym kópshiligi zulym sıqyrshy Malefısenta beınesindegi Aıgúldiń nómirine tamsandy.

Aıgúl Balmaǵambetova – Saran qalasynyń psıhonevrologııalyq medıtsınalyq- áleýmettik mekemesiniń qamqorlyǵynda jáne oblystyq múgedekter sport mektebiniń tárbıelenýshisi. Qaraǵandy oblysynyń zamanaýı jáne sporttyq bı federatsııasynyń sportshysy. Ol 2012 jyldan bastap óner kórsete bastady. 2018 jyly parabı boıynsha respýblıkalyq týrnırdiń kúmis júldegeri atandy, 2019 jyly Germanııada ótken álem chempıonatynyń fınalyna shyqty. Barlyq sabaqtar onlaın rejımde ótkizildi, bul osyndaı mańyzdy sporttyq is-sharaǵa daıyndyqty odan ári qıyndata túsken.




«Jarysta qatty qobaljydym. Elementterdi umytyp ketýden qoryqtym. Qoıylym aldynda birneshe qımyl aýystyryldy, sondyqtan men ýaıymdadym. Biraq sahnaǵa shyqqan kezde mýzykamen úndesip, álemde men jáne mýzyka ǵana qalǵandaı boldy. Jarystyń barlyq qatysýshylary unady. Men ózim úshin kóp nárse: bilim, jańa qyzyqty bı qozǵalystary men umytylmas emotsııalar aldym», –deıdi Aıgúl.

Sportshyny týrnırlerge jattyqtyrýshylary Kúlshim Atalyqova men Altynaı Tapalova daıyndaıdy.

«Biz Aıgúl ekeýmiz 2016 jyldan beri jumys istep kelemin. Bir-birimizdi sózsiz túsinemiz. Barlyq jarystarda jaqsy óner kórsetedi, Álem kýbogynda da erekshelendi. Bul joly ol qazirgi álem chempıondarymen jarysty. Bul joǵary deńgeı. Onyń ónerin barlyq halyqaralyq sýdıalar joǵary baǵalap, atap ótti», – dedi Kúlshim Atalyqova.




Bıyl parabıshiler Koreıada ótetin álem chempıonatynda óz sheberlikterin kórsete alady. Qazir Aıgúldiń aldynda lıtsenzııa alý mindeti tur.

«Sportshy retinde Aıgúl óte eńbekqor ári tabandy. Eger oǵan tapsyrma berilse, ol ony minsiz oryndaǵansha baryn salady. Alda bul erekshe sportshyny áli talaı jeńis kútip tur dep oılaımyn», – dep esepteıdi Kúlshim Atalyqova.

Aıta ketý kerek, parabı boıynsha Álem kýbogyna 12 eldiń ókilderi qatysty.

Qazaqstan quramasynyń tórt sportshysy elge alty medalmen oraldy – bes qola jáne bir kúmis.











Avtor Agata Mýhamedjanova
Basty sózder: Qaraǵandy oblysy, Sport,
Joǵary qaraı