Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandylyq eriktiler aýyl oqýshylaryna aǵylshyn tilinen sabaq beredi

2021 jyldyń 15 qyrkúıek 2021 05:10

QARAǴANDY. QazAqparat – Qaraǵandy oblysynda Jas Otan jastar qanatynyń English for jastar jobasy bastaldy. Eriktiler Buqar jyraý, Osakarov, Nura, Qarqaraly, Abaı jáne Shet aýdandarynda mektep oqýshylaryna uly Shekspırdiń tilin úırete bastady, dep habarlaıdy QazAqparat tilshisi.

«Bizdiń elimizde aǵylshyn tilin oqytatyn júzdegen ortalyqtar bar. Olarda oqý quny kóbinese kóptegen ata-analar úshin qol jetimsiz. Áleýmettik zertteýlerdiń nátıjelerine sáıkes, qazaqstandyqtardyń 80%-dan astamy balalarynyń aǵylshyn tilin úırengenin qalaıdy. Al olardyń oqý aqysyn tóleý múmkindigi tek 34% ǵana. Sondyqtan biz English for jastar jobasyn iske qosyp, oǵan «Bolashaq» baǵdarlamasynyń stıpendıattaryn tartýdy da sheshtik», – dedi Jas Otan Jastar qanatynyń jetekshisi Erjan Hamıtov.







Volonterlerdi irikteý úshin jumys toby quryldy. Áńgimelesý nátıjesinde 15 erikti tańdaldy. Olar aýyl mektepteriniń 6, 7, 8 jáne 9-synyp oqýshylaryna aptasyna úsh ret bir akademııalyq saǵattan sabaq ótkizedi. Oqytý oıyn jáne trenıng túrinde ótedi.











«Oqý arnaıy jumys dápterlerin, sózdikter men ınteraktıvti, elektrondyq qosymshalardy qoldana otyryp, Oksford Solutions oqýlyqtary boıynsha júrgiziledi. Sondaı-aq, oqý barysynda oqýshylar úshin shetelde júrgen «Bolashaq» baǵdarlamasynyń stıpendıattarymen onlaın-kezdesýler uıymdastyrylady.




Olar tyńdarmandar úshin vırtýaldy ekskýrsııalar ótkizedi», – dep qosty Erjan Hamıtov.

English for jastar jobasy aýyl jastaryna bilimdegi olqylyqtardyń ornyn toltyrýǵa, tildik kedergini jeńýge kómektesedi jáne olardy shet tilderin odan ári úırenýge yntalandyrady.








Joǵary qaraı