Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qaraǵandylyq kásipkerler zardap shekken óńirlerge kómek kersetýge daıyn

2022 jyldyń 13 qańtar 2022 07:48

QARAǴANDY. QazAqparat – Qaraǵandy oblysynyń kásipkerleri jappaı tártipsizdikten shyǵynǵa ushyraǵan kásipkerlerge kómektesýge ázir. Qurylys materıaldary men azyq-túlikti bir qorǵa jınap, Almaty jáne ózge de qalalarǵa jóneltpek, dep habarlaıdy QazAqparat tilshisi.

Qaraǵandy oblysynyń kásipkerleri qurylys materıaldary men azyq-túlikti ǵana emes, kerek bolsa jumyskerlerdi de jiberýge daıynbyz deıdi. Bul maqsatta arnaıy qor qurylyp jatyr eken. Qazirgi ýaqytta kásipkerler osy nıetterin júzege asyrý úshin aımaq basshylsyǵymen kelissózder júrgizýde.

«Qazir tek Almaty qalasynda ǵana emes, sonymen qatar basqa da oblystarda zardap shekken adamdar bar jáne óz tarapynan qaraǵandylyqtardyń atynan kómek kórsetýge daıyn bolý úshin qarjylyq materıaldyq qarajat jınaý qory qurylýda. Tek qurylys materıaldarymen ǵana emes, sonymen qatar azyq-túlik jáne qarjy jiberemiz. Sondaı-aq Qaraǵandy oblysynyń perımetri boıynsha blokposttar salynǵan. Kásipkerler olarǵa ystyq tamaq bergisi keldi. Biraq polıtsııa men áskerılerge ol qajet emes eken. Bul turǵyda olarda bári jaqsy», - deıdi Qaraǵandy oblysy boıynsha Qazaqstan kásipkerler qaýymdastyǵynyń basshysy Ermek Ábildın.

Qaraǵandylyqtar Ońtústik óńirge materıaldyq kómek qana jibermeıdi, olar tártipsizdik kezinde zardap shekkenderge qan tapsyrmaq.

«Biz qan tapsyrdyq. Biz óz otandastarymyz úshin qolymyzdan kelgen kómekti jasaımyz. Bul máselede kóbi qýana kelisim berdi», - dep qosty Ermek Ábildın.

Jappaı tártipsizdikten Almaty ǵana emes, elimizdiń 9 óńiri zardap shekti. Jergilikti bılik ǵımarttary qırap, kásipkerler shyǵynǵa batty. Shyǵyn kólemi 93 mıllıard teńgeni qurady. Al QR ishki ister mınıstrliginiń dereginshe ustalǵandardyń sany 10 myńǵa jýyqtapty.

Joǵary qaraı