Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandylyq oqýshylar Halyqaralyq ǵylymı baıqaýdyń jeńimpazy boldy

2021 jyldyń 11 mamyr 2021 22:31

QARAǴANDY. QazAqparat – Qaraǵandy qalasynda Nazarbaev Zııatkerlik mektebiniń 12-synyp oqýshylary Ánýar Dúısenbekov pen Farhat Nurlanov Koreıada ótken «Jas Ǵalym» VII Halyqaralyq ǵylymı baıqaýynda birinshi oryn aldy, dep habarlaıdy QazAqparat tilshisi.

Olar qazylar alqasyna «Soqqy sıpattamalaryn anyqtaý úshin kompozıttik balaýyz jáne grafıt sensorymen basketbol dobyn synaý» ǵylymı jobasyn usyndy. Joba aǵylshyn tilinde qorǵaldy.

Ánýar men Farhattyń ǵylymı jetekshileri – fızıka pániniń oqytýshylary Saıagúl Nurjigitova men Stoıan Rendevskı.

«Basketbol dobynyń sapasy erkin qulaǵan doptyń sekirý bıiktigi men edenge soǵylǵan kezde dopqa áser etetin kúsh turǵysynan talqylandy. Grafıttiń shekti kontsentratsııasy 15% bolatyn grafıt balaýyzy, tipti kishkentaı zerttelgen kúshtermen de, soqqyny ólsheýge arnalǵan sezimtal sensor ekendigi dáleldendi», – dep mektep oqýshylary óz zertteý baǵytyn túsindiredi.





«Jas ǵalym» Halyqaralyq ǵylymı baıqaýy 2015 jyldan beri ótkizilip keledi. Osy ýaqyt ishinde oǵan Qazaqstannan 400-den astam oqýshy qatysty. Uıymdastyrýshylar - WOOSONG Ýnıversıteti jáne SolBridge Halyqaralyq bıznes mektebi (Koreıa, Tedjon qalasy).

Baıqaý ekinshi jyl qatarynan qashyqtyq formatta ótýde. Zııatkerlik jarystarǵa qatysýshylardyń zertteý jumystaryn AQSh, Ulybrıtanııa, Sıngapýr, Reseı jáne basqa da elderdiń ýnıversıtetteriniń professorlyq-oqytýshylyq quramy baǵalaıdy.


Joǵary qaraı