Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qaraǵandylyq oqýshylar StemSo halyqaralyq olımpıadasynda júldeli oryndarǵa ıe boldy

2022 jyldyń 24 qańtar 2022 18:25

QARAǴANDY. QazAqparat – Qaraǵandy qalasynyń №2 «Bilim-ınnovatsııa» lıtseı-ınternatynyń 8-synyp oqýshylary Adına Absadyqova men Araılym Aıazbaı fızıka, matematıka, hımııa jáne bıologııa pánderinen StemSo qashyqtyq halyqaralyq olımpıadasynda júldeli oryndarǵa ıe boldy.

Bıyl zııatkerlik jarystarǵa álemniń 35 elinen kelgen oqýshylar qatysty, dep habarlaıdy QazAqparat tilshisi.

Adına Absadyqova hımııa boıynsha ekinshi, bıologııa, fızıka jáne matematıka boıynsha úshinshi, al Araılym Aıazbaı matematıka boıynsha úshinshi oryn alyp, fızıka páni boıynsha gramota aldy.

«Men Sıngapýr uıymdastyrǵan StemCo qashyqtyq olımpıadasyna qatystym. Ol tórt pánnen turdy. Suraqtardyń kópshiligi logıkaǵa negizdelgen. Jaqsy nátıje kórsetkenime qýanyshtymyn, ári qaraı da olımpıadalarǵa qatysamyn», — dedi Adına Absadyqova.

StemCo olımpıadasy — bul álem oqýshylary óz qurdastarymen básekelese alatyn jáne óz quzyretterin únemi jetildire otyryp, damı alatyn biregeı halyqaralyq alań.





Joǵary qaraı