Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandylyq oqýshylar jasandy ıntellekt boıynsha halyqaralyq baıqaýda jeńiske jetti

2021 jyldyń 30 qarasha 2021 11:35

QARAǴANDY. QazAqparat - Qaraǵandylyq oqýshylar Artificial Intelligence Journey jasandy ıntellekt jáne derekterdi taldaý boıynsha Halyqaralyq konferentsııanyń jeńimpazy atandy, dep habarlaıdy QazAqparat.

Qaraǵandy qalasyndaǵy №2 lıtseıiniń 11 synyp oqýshylary Danııl Kıkımov pen Vadım Majıtov bilim berý salasynda tehnologııalyq sheshimderdi usyndy jáne oqýshylardyń qyzyǵýshylyqtaryna baılanysty kontentti derbestendirýge múmkindik beretin ázirlemeni tanystyrdy. Joba úzdik dep tanylyp, qazaqstandyq oqýshylar «Bilim berýdegi jasandy ıntellekt» nomınatsııasynda absolıýtti jeńimpaz atandy. Aıta keteıik, zııatkerlik jarysqa 100-den astam memleketten 25 myńnan astam oqýshy qatysty.




Halyqaralyq konferentsııa Máskeýde ótip, oǵan Reseı Federatsııasynyń Prezıdenti qatysty. Vladımır Pýtın qaraǵandylyq oqýshylarǵa qyzyqty joba úshin alǵys aıtyp, motıvatsııa – bilim berý úderisindegi tabystyń mindetti sharty ekenin atap ótti.

«Eger adamnyń oqıtyn pánge degen qyzyǵýshylyǵy bolsa, onda nátıjege qol jetkizetinine senimdi bola alasyz. Sizderdiń ázirlemelerińiz oqýshylardyń boıynda motıvatsııany, qyzyǵýshylyqty arttyrýǵa baǵyttalǵan. Bul keremet bastama!», — deı kele, Vladımır Pýtın qazaqstandyq oqýshylarǵa jyly lebizin bildirdi.

Óz kezeginde baıqaý jeńimpazdary jasandy ıntellektti sabaqta qoldaný oqýshylardyń mektep pánderine degen yntasy men qyzyǵýshylyǵyn arttyratynyn atap ótti. Vadım men Danııl olardyń mazmundy jekelendirý algorıtmi bilim berý tıimdiligin kem degende 10-15% arttyrady dep sanaıdy.




«Biz mektep tapsyrmalarynyń mátinderin maǵynasyn burmalamaı jáne oqýshynyń qalaýyna baılanysty ózgerte alatyn algorıtm jasadyq. Matematıka mektebinde negizinen tapsyrmalar beriledi, mysaly, velosıpedshi men avtomobılshi týraly. Biz osyndaı kóptegen esep sheshtik jáne olardyń eshqaısy este saqtalǵan joq. Sondyqtan biz tapsyrmalardyń mazmunyn ártaraptandyramyz dep sheshtik jáne oqýshylarǵa mazmundy qyzyǵýshylyqtary boıynsha tańdaýǵa múmkindik beretin algorıtm jasadyq. Mysaly, velosıpedshiniń ornyna janýarlar nemese ǵaryshtyq qurylǵylar týraly tapsyrmalar bolýy múmkin. Ár kilt sóz úshin birneshe sóz tańdalady, olar tapsyrmanyń jańa nusqasynda aýystyrylady. Model mátindi taldaıdy jáne sózderdiń formalaryn eki ret tekseredi: etistikter etistikterge, zat esimderge sáıkesinshe aýystyrylady. Bul rette biz kodtyń sapasyna jáne esepti sheshý tehnıkasyna erekshe nazar aýdardyq», — dedi Artificial Intelligence Journey jeńimpazdary Vadım Majıtov pen Danııl Kıkımov.


Basty sózder: Qaraǵandy oblysy, Bilim,
Joǵary qaraı