Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qaraǵandylyq tennısshi halyqaralyq týrnırdiń chempıony atandy

2022 jyldyń 25 mamyr 2022 03:44

QARAǴANDY. QazAqparat – Alan Qurmanǵalıev ústel tennısinen WTT Youth Contender halyqaralyq týrnırinde 15 jasqa deıingi jas sanatynda altyn medal jeńip aldy. Jarys Vladıslavovo qalasynda (Polsha) ótti. Jarysqa álemniń 33 elinen 260-tan astam sportshy qatysty, dep habarlaıdy QazAqparat tilshisi.

Qaraǵandylyq sportshy U-15 jas sanatynda jeti jeńiske jetti jáne taǵy da álemniń úzdik kadeti mártebesin rastaı otyryp, altyn medaldi jeńip aldy. Fınaldyq matchta Alan Qurmanǵalıev Frantsııa sportshysy Antýan Nýarony 3-1 esebimen jeńdi.

Týrnır jeńimpazyn jáne onyń jeke bapkerin QR Ústel tennısi federatsııasynyń prezıdenti Danııar Ábilǵazın quttyqtady: «Alan Qurmanǵalıevtiń Polshadaǵy halyqaralyq týrnırdegi trıýmfy kezdeısoq emes. Biz muny halyqaralyq reıtıngtik týrnırlerde orasan zor eńbek pen turaqty óner kórsetýdiń zańdy nátıjesi retinde qarastyramyz. Sońǵy kezeńde Alan ITTF halyqaralyq týrnırlerinde ártúrli dárejedegi 13 medal jeńip aldy jáne 15 jasqa deıingi sportshylar arasynda álemdik reıtıngte birinshi orynǵa ıe boldy. Alan men jattyqtyrýshy Elmıra Álıevany shyn júrekten quttyqtaımyn jáne halyqaralyq sport arenasynda odan ári jeńister tileımin».

Budan buryn Alan Qurmanǵalıev osy týrnırde 17 jas sanatynda ekinshi oryn alǵan bolatyn. Ol Djýzeppe Kalarko (Italııa), Egor Larkov (Lıtva), Petr Gavlas (Polsha), Rohelıo Kastro (Meksıka), Lı Hoıýna (Koreıa), Natan Lamdy (Frantsııa) jeńip, fınalda ǵana kore sportshysy Chjýn Sýnǵa ese jiberip aldy.


Avtor Agata Mýhamedjanova
Basty sózder: Sport, Qaraǵandy oblysy,
Joǵary qaraı