Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandylyq jetkinshekter úıirme men sektsııalarǵa tegin qatysa alady

2021 jyldyń 24 shilde 2021 08:38

QARAǴANDY. QazAqparat – 4 jastan 17 jasqa deıingi jas qaraǵandylyqtar úıirme men sektsııalarǵa tegin bara alady. Joba artsport.edu.kz portalynda júzege asady, dep habarlaıdy QazAqparat tilshisi.

Aqparattyq portal qyzmet kórsetýshilerdiń, sondaı-aq balalar men jasóspirimderdiń ata-analarynyń nemese zańdy ókilderiniń shyǵarmashylyq úıirmeler men sport sektsııalaryna barýǵa vaýcher alý úshin ótinimderin tirkeý jáne berý úshin ázirlengen.

«Qaraǵandy oblysynda shyǵarmashylyq baǵyt boıynsha qazirgi ýaqytta 16 jetkizýshi anyqtaldy. Úıirmeler arasynda – ulttyq halyq bıleri, zamanaýı bıler, horeografııa, akademııalyq án, qýyrshaq jáne basqalar bar. Biraq bul tizim tolyǵady, sebebi ata-analar da, jetkizýshiler de bizge kún saıyn qońyraý shalady. 22 shildege deıin ata-analar 509 ótinish berdi, onyń 411-in vaýcherler maquldady», – deıdi bos ýaqyt jáne halyq shyǵarmashylyǵy ǵylymı-ádisteme ortalyǵynyń ádiskeri Nazgúl Baıkenova.

Oblystaǵy tegin sport sektsııalaryna 7 900-ge jýyq jas qaraǵandylyqtardy tartý josparlanýda.




«Bizde 71 sport túri bar, onyń ishinde tirek-qımyl apparaty zaqymdanǵan, kórý, estý jáne basqa shekteýleri bar balalar úshin de úıirme qarastyrylǵan. Bul - 17 jazǵy olımpıadalyq sport túri jáne tórt qysqy sport túri. Sondaı-aq, bir ulttyq sport túri - qazaq kúresi jáne tórt olımpıadalyq emes sport túri. Bolashaqta bul tizim áli de keńeıe túsedi», – deıdi Qaraǵandy oblysy dene shynyqtyrý jáne sport basqarmasynyń joǵary jetistikter sporty jáne sport rezervi bóliminiń basshysy Natalıa Temirbaeva.

Búgingi tańda qyzmet kórsetýshilerden 72 ótinim kelip tústi, olardyń ishinde shahmat, kórkem gımnastıka, sporttyq bı jáne dzıýdo maquldandy.

473 ata-ana vaýcher alýǵa tirkeldi, onyń 253-i balalarǵa barlyq qajetti qujattardy usyndy jáne iske qosyldy.

«Bizde osy jumyspen aınalysatyn jumys toby quryldy. Call-ortalyqtyń telefony – 50-71-08. Elektrondyq poshta da bar pfss@krg.gov.kz. Oǵan ata-analar da, jetkizýshiler de óz suraqtaryn jibere alady. Joba búkil el úshin jańa, sondyqtan suraqtar týyndaıdy. Biz árqashan jaýap berýge jáne túsindirýge daıynbyz, – dedi Natalıa Temirbaeva.

Qosymsha aqparat alý úshin (8-7212) 42-50-95 (dúısenbiden jumaǵa deıin 09: 00-den 18:00-ge deıin, túski úzilis 13:00-den 14:00-ge deıin) telefony boıynsha Qaraǵandy oblysy boıynsha call-ortalyǵyna habarlasýǵa bolady. Elektrondyq poshta: karonmc@mail.ru.


Avtor Agata Mýhamedjanova
Basty sózder: Bilim, Qaraǵandy oblysy,
Joǵary qaraı