Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandylyqtarǵa medsaqtandyrý qory esebinen qymbat neırohırýrgııalyq otalar jasaldy

2021 jyldyń 17 maýsym 2021 04:34

QARAǴANDY. QazAqparat – Professor H.J. Maqajanov atyndaǵy klınıkada jylbasynan beri mıdyń arterııalaryn stentteý boıynsha 10 joǵary tehnologııalyqota jasaldy. Mundaı neırohırýrgııalyq aralasýlarǵa qan tamyrlarynyń anevrızmalary jáne ateroskleroz jatady, dep habarlaıdy QazAqparat tilshisi.

Stentteý boıynsha joǵary tehnologııalyq operatsııa jasaǵan naýqastardyń biri zeınetker Baqtybala Beısembaeva boldy. Insýlttan keıin áıelde karotıd arterııasynyń anevrızmasy paıda bolǵan. Osy jyldyń naýryz aıynda oǵan sátti ota jasaldy. Naýqas ońaltýdyń eki kýrsynan ótip úlgerdi, olar da medıtsınalyq saqtandyrý qorynyń qarajatynan tólendi.




«Jansaqtaý bóliminde meniń janymda bolǵan dárigerlerge alǵysymdy bildiremin. Degenmen, jasym jetken adammyn. Biraq men bárin ótkerdim, ózimdi jaqsy sezinemin. Eki ret ońaltý ortalyǵynda boldym. 14 kún kýrstardan óttim, onyń 10-y emdik boldy. Ár túrli massajdar, jattyǵýlar kóp kómektesedi. Aıtarlyqtaı jaqsarý bar», – dedi Baqtybala Beısembaeva.

Árbir neırohırýrgııalyq operatsııa úshin medıtsınalyq saqtandyrý qory 4,7 mln teńgeden tóledi. Ótken jyly professor H.J. Maqajanov atyndaǵy klınıka osyndaı otany 16 ret, al osy jyldyń bes aıynda 10 ret jasaǵan.




«Endovaskýlıarlyq ota tamyr arqyly jasalady. Stent arterııa patologııasy ornyna arnaıy kateterdiń kómegimen búktelgen túrde jetkiziledi. Sonan soń qan tamyrynyń pishinine saı kelip ashylady. Eger anevrızmada bul der kezinde jasalmasa, ol jarylyp ketedi (gemorragııalyq ınsýlt paıda bolady) nemese jaraqat alady (ıshemııalyq ınsýlt paıda bolady)», – dep atap ótti neırohırýrg Nııazbek Ernııazov.

Aıta ketý kerek, arterııalardy stentteý shuǵyl túrde tegin medıtsınalyq kómektiń

kepildik berilgen kólemine kiredi jáne MÁMS júıesindegi patsıenttiń mártebesine qaramastan tegin jasalady. Josparly operatsııa medıtsınalyq saqtandyrý paketine kiredi jáne aı saıyn aýdarymdar jasaıtyndar úshin tegin.





Joǵary qaraı