Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaraǵandynyń «Ortalyq ámbebap dúken» saýda úıinen 80 adam evakýatsııalandy

2021 jyldyń 29 tamyz 2021 15:02

QARAǴANDY. QazAqparat – Qaraǵandynyń «Ortalyq ámbebap dúken» saýda úıinen 80 adam qaýipsiz jerge evakýatsııalandy. Belgisiz er adam 102-ge qońyraý shalyp, saýda úıine bomba qoıylǵanyn habarlady, dep habarlaıdy QazAqparat tilshisi.

Búgin saǵat 12.05-te «102» pýltine «Ortalyq ámbebap dúken» saýda úıine bomba qoıylǵany týraly habarlama kelip tústi.

Oqıǵa ornyna barlyq mamandandyrylǵan qyzmetter jiberildi. Ǵımarattan 80-ge jýyq adam evakýatsııalandy.

«Polıtsııa qyzmetkerleri ǵımaratqa tekserý júrgizdi, jarylǵysh zattar tabylǵan joq. Saǵat 13.00-de doǵarý komandasy berildi. Qazirgi ýaqytta qońyraý shalýshy anyqtalyp, ustaldy. Ol 30 jastaǵy qala turǵyny bolyp shyqty», - dep habarlady Qaraǵandy oblysy PD baspasóz qyzmeti.

Atalmysh fakti boıynsha Qylmystyq kodekstiń 273-babyna sáıkes qylmystyq is tirkelip, oqıǵanyń mán-jaıyn anyqtaý úshin sotqa deıingi tergeý bastaldy.


Joǵary qaraı