Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qaraly qańtar: Adam quqyqtary ulttyq ortalyǵyna 39 shaǵym túsken

2022 jyldyń 26 qańtar 2022 23:11

NUR-SULTAN. QazAqparat – Elimizdiń Adam quqyqtary ulttyq ortalyǵyna 39 shaǵym tústi. Bul týraly QR Adam quqyqtary jónindegi ýákili Elvıra Ázimova aıtty, dep habarlaıdy QazAqparat tilshisi.

«Qańtardyń 13-24 kúnderi aralyǵynda óńirlik toptar Qazaqstannyń 16 óńirindegi 81 tergeý, ýaqytsha ustaý, qabyldaý-taratý jáne arnaýly qabyldaý ornynda boldy. Azamattardan quqyǵynyń buzylǵany týraly 39 shaǵym tústi. Onyń ishinde 20-sy - zorlyq-zombylyq tanytý jáne qatigezdik kórsetýge qatysty jazbasha shaǵym», -dedi Elvıra Ázimova Eýropalyq odaq elderiniń adam quqyqtary jónindegi 10 Elshisimen onlaın kezdeý barysynda.

Onyń atap ótýinshe, qalǵan shaǵymdar negizsiz ustaýǵa, ákimshilik jazaǵa tartý týraly sot sheshimimen kelispeýge, medıtsınalyq kómek kórsetpeýge, advokattardy jibermeýge qatysty boldy.

«Degenmen, áleýmettik jelilerde quqyq buzýshylyqqa qatysty qońyraýlar men habarlamalardyń sany birshama kóp. Keshe Bas prokýratýra prokýratýra organdaryna quqyq qorǵaý organdary tarapynan tergeý júrgizý barysynda tyıym salynǵan ádister men azamattar quqyǵynyń buzylýyna qatysty 109 shaǵym túskenin jarııalady. Tekserý nátıjesinde 21 qylmystyq is qozǵaldy. Onyń ishinde bireýin ǵana - arnaýly prokýror, al qalǵan 20-syn - jemqorlyqqa qarsy qyzmet tergep jatyr», - dedi ol.


Joǵary qaraı