Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qaraly qańtar: Atyraýda jappaı tártipsizdikke qatysty 22 qylmystyq is tirkelgen

2022 jyldyń 29 qańtar 2022 00:45

ATYRAÝ. QazAqparat – Atyraýda jappaı tártipsizdikke qatysty 22 qylmystyq tirkelgen, dep habarlaıdy QazAqparat.

Buǵan deıin Atyraý oblystyq polıtsııa departamentiniń bastyǵy Qamza Úmbetqalıev 3 adam polıtsııanyń joǵalǵan qarýlaryn ákelip bergenin aıtqan edi.

«Qańtardaǵy jappaı tártipsizdikke qatysty sotqa deıingi tergep-tekserýdiń biryńǵaı tizilimine 22 qylmystyq is tirkeldi. Atyraý qalasynda shabýyldan 13 qyzmettik avtokólik pen bir zańdy tulǵanyń avtokóligine zaqym keltirilip, zalal quny 200 mıllıon teńgeden asty. Quqyq buzýshylardyń zańǵa qaıshy is-áreketteriniń aldyn alý, qoǵamdyq qaýipsizdikti qamtamasyz etý kezinde 80-nen astam quqyq qorǵaý organdarynyń qyzmetkerleri men áskerı qyzmetshiler jaraqat aldy. Atalǵan qylmystyq quqyq buzýshylyqty jasaǵan degen kúdikpen 26 adam ustalyp, ýaqytsha ustaý ızolıatoryna qamaýǵa alyndy», -deıdi polıtsııa departamenti bastyǵynyń orynbasary, polıtsııa polkovnıgi Bolat Kóshqalıev.

Onyń aıtýynsha, kórsetilgen adamdardyń kinási beınebaqylaý kameralarynyń túsirilimderimen, áleýmettik jelilerde jarııalanǵan rolıktermen, sondaı-aq, uıaly telefondardaǵy anyqtalǵan derektermen dáleldengen.

«Qylmystyq is sheńberinde 99 saraptama taǵaıyndalyp, 400-den astam adamnan jaýap alyndy. Antıterrorlyq operatsııany júrgizý kezinde oblys aýmaǵynan 4 dana qarý men 48 dana arnaıy quraldar tárkilendi. Azamattardan túsken ár shaǵym prokýratýra organynan basqa polıtsııa departamenti Ózindik qaýipsizdik basqarmasynyń qyzmetkerlerimen qaralyp jatyr», -dep málim etti Bolat Kóshqalıev.

Avtor: Bek Mustafa

Joǵary qaraı