Aýa raıy
Astana -16 °S
Almaty -14 °S
valıýta baǵamy
USD 421.58
EUR 496.83
RUB 5.53
CNY 62.20

Karantın: Aqmola oblysynyń bas sanıtarlyq dárigeri óńirdegi ahýalǵa baǵa berdi

2020 jyldyń 24 qarasha 2020 21:02

KÓKShETAÝ. QazAqparat - Aqmola oblysynda koronavırýs ınfektsııasy boıynsha epıdemıologııalyq jaǵdaı turaqsyz. Bul týraly oblystyq Sanıtarııalyq-epıdemıologııalyq baqylaý departamentiniń basshysy Aınagúl Mýsına aıtty, dep habarlaıdy QazAqparat tilshisi.

«Sońǵy táýlikte oblysta 68 adamnyń koronavırýs ınfektsııasyn juqtyrǵany anyqtaldy. Onyń ishinde Kókshetaý qalasynda 42 jaǵdaı tirkeldi, Stepnogor qalasynda – 9, Býrabaı aýdanynda – 7, Atbasar jáne Zerendi aýdandarynda 4 jaǵdaıdan, Bulandy jáne Sandyqtaý aýdandarynda 1 jaǵdaı anyqtaldy», - dedi A.Mýsına.

Sonymen birge, oblysta PTR test arqyly 506 jaǵdaı tirkelse, onyń 410 adam saýyǵyp shyqty, 69 naýqas em qabyldap jatyr.

Ótken aptamen salystyrǵanda oblysta naýqastardyń sany Egindikól aýdanyn esepke almaǵanda 1,5 esege artqan.

«Qarasha aıynda naýqastardyń kóp tirkelgen óńirler, Kókshetaý - 546, Stepnogor - 116, Býrabaı aýdany - 80, Zerendi aýdany - 34, Bulandy aýdany - 26, Atbasar aýdany jáne Sandyqtaý aýdany – 22 jaǵdaıdan. Osy rette, óńirde koronavırýs juqtyrǵandardyń jalpy sanynyń 58 paıyzy oblys ortalyǵynyń úlesinde», - dep atap ótti oblystyń bas sanıtarlyq dárigeri.

«Naýqastardyń sany artýyna eń birinshi karantındik sharalardyń saqtalmaýy sebep bolyp otyr. Epıdemıologııalyq zertteýler boıynsha adamdar kóp júretin jerde maska kımeı júrý, qoǵamdyq kólikterde áleýmettik qashyqtyqtyń saqtalmaýy, adamdardyń kópshilik oryndarǵa barýy koronavırýs ınfektsııasynyń taralýyna áser etýde. Sonymen birge, qoǵamdyq tamaqtaný oryndary men jeke kottedjderde kópshilik sharalar ótkizýge jol berilýde», - dedi A.Mýsına.

Aıta keteıik, Aqmola oblysynda 1 qyrkúıekten beri 68 oqýshy koronavırýs juqtyrǵan bolatyn. Sondaı-aq, Aqmola oblysy koronavırýs boıynsha qaýiptiliktiń «qyzyl aımaǵyna» kirdi.



Joǵary qaraı