Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Karantın: Atyraýda kópshilik is-sharany ótkizýge tyıym salyndy

2021 jyldyń 21 qańtar 2021 21:22

ATYRAÝ. QazAqparat – Atyraý oblysynyń bas sanıtarııa dárigeriniń qaýlysymen karantın shekteýi kúsheıtilip, kópshilik is-sharany ótkizýge tyıym salyndy, dep habarlaıdy QazAqparat.

«Atyraý oblysynyń aýmaǵynda epıdemıologııalyq jaǵdaı turaqtalǵanǵa deıin sharýashylyq jáne (nemese) ózge de qyzmetpen jáne halyqtyń tynys-tirshiliginiń erekshe jaǵdaılarmen shekteý sharalary engizilsin. Shekteý is-sharalarynyń rejımi men merzimderi oblys aýmaǵynda COVID-19 koronavırýs ınfektsııasynyń taralýy boıynsha ahýaldyń ózgerýine sáıkes qaıta qaralýy múmkin», - delingen bas sanıtar dárigerdiń qaýlysynda.

Sondaı-aq, qaýlyǵa sáıkes, kópshilik is-sharalardy (merekelik, oıyn-saýyq, kópshilik mádenı, sport, bilim berý is-sharalardy, kórme, forým, konferentsııa, sondaı-aq otbasylyq, estelik is-sharalardy (banket, úılený toıy, mereıtoı, eske alý jáne t. b.), jappaı adamdar jınalatyn ózge de is-sharalardy ótkizýge tyıym salynǵan. Mundaı sharalardy úıde ótkizýge de bolmaıdy.

«Barlyq oıyn-saýyq obektileriniń, banket zaldarynyń, barlyq túrdegi oıyn alandary (aýlalardy qospaǵanda), túngi klýb, bar, karaoke, kompıýter jáne oıyn klýby, qorqor, býkmeker keńseleriniń qyzmetin, merekelerdi uıymdastyrýshy keıterıng qyzmetter men qyzmetter kórsetýdi, menshik nysanyna qaramastan mektepke deıingi balalar mekemeleriniń (kezekshi toptardy qospaǵanda) qyzmetin, mádenı nysandardyń, jeke, toptyq daıyndyqtardy qosa alǵanda kınoteatrlardyń, teatrlardyń jáne qyzmetin toqtata turý usynylyp otyr» -delingen qujatta.

Eske sala ketelik, budan buryn Atyraýda karantın shekteýi qaıta kúsheıtilgen bolatyn.



Joǵary qaraı