Aýa raıy
Astana 3 °S
Almaty 7 °S
valıýta baǵamy
USD 421.58
EUR 496.83
RUB 5.53
CNY 62.20

Karantın: Elordada jalǵa alynǵan meıramhanada tóbeles boldy

2020 jyldyń 4 tamyz 2020 00:20

NUR-SULTAN. QazAqparat – Elordadaǵy meıramhanalardyń birinde janjal shyǵyp, polıtsııa qyzmetkerleri birqatar adamǵa qatysty is qozǵady. Atap aıtqanda buzaqylarmen birge karantın rejımin buzǵan meıramhana ıesi de, meımandary da jazalandy, dep habarlaıdy QazAqparat ІІM baspasóz qyzmetine silteme jasap.

«3 tamyzda tún aýa Qajymuqan kóshesindegi «Kókshetaý» meıramhanasynda belgisiz adamdar sondaǵy 32 jastaǵy klıentti jaraqattaǵany týraly habarlama kelip tústi. Kóp ótpeı polıtsııa qyzmetkerleri janjalǵa qatysqan adamdardyń bárin ustady. Іstiń mán-jaıyn tergeý barysynda meıramhana karantın tártibin buzyp, túngi ýaqytta jumys júrgizgeni anyqtaldy. Osylaısha meıramhanany jaldap otyrǵan azamat Bas sanıtarlyq dárigerdiń bekitken erejesin buzǵan. Meıramhanada otyz shaqty adam demalǵan», - dep habarlaıdy ІІM-nen.

Sol túni polıtsııa qyzmetkerleri buzaqylyq jasaǵan 29 jáne 26 jastaǵy eki jigitti ustapty. Qazirgi ýaqytta olarǵa qatysty QR Qylmystyq kodeksiniń 293-baby (buzaqylyq) boıynsha sotqa deıingi tergeý amaldary júrgizilýde.

Atalmysh meıramhanany jalǵa alyp otyrǵan azamat karantın rejımin buǵan deıin de buzǵan kórinedi. Budan buryn 9 shildede oǵan 230 AEK kólesinde aıyppul da salynǵan. Alaıda ol bul jazadan sabaq almaı, zań tártibin taǵy buzyp otyr.

«Meıramhanany jalǵa alyp otyrǵan azamatqa (áıel) qatysty QR ÁQBK 425-baby (Karantın rejımin buzý) boıynsha ákimshilik is qozǵaldy. Іs-materıaldary taýarlar men qyzmetter sapasyn baqylaý basqarmasyna joldanǵan.

Odan bólek meıramhananyń meımandary tynyshtyq pen tirkelý erejesin buzǵany úshin ákimshilik jaýapkershilikke tartylǵany habarlanyp otyr.


Avtor Aıan Bekenuly
Basty sózder: QR ІІM, Karantın, Nur-Sultan,
Joǵary qaraı