Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Karantın: Qazaqstanda JOO-lardyń jumysy qalaı uıymdastyrylady

2022 jyldyń 17 qańtar 2022 13:50

NUR-SULTAN. QazAqparat – Elde epıdjaǵdaıdyń nasharlaýyna baılanysty kolledj jáne JOO stýdentteriniń oqý formaty ózgerdi, dep habarlaıdy QazAqparat tilshisi.

«Búginde elimizde 120 joǵary oqý orny bar. Bilim alýshylardyń jalpy kontıngenti 620 myńnan astam adamdy quraıdy. Joǵary oqý oryndarynda kóktemgi semestr 24 qańtarda bastalady. Bul rette joǵary oqý oryndary kaskadtyq ádisti qoldana alady. ıAǵnı stýdentterdiń shoǵyrlanýyn barynsha azaıtý úshin bilim berý protsesin oqý kýrsy men baǵyttaryna baılanysty 24 qańtar men 6 aqpan aralyǵynda kezeń-kezeńimen uıymdastyrýǵa bolady. Mysaly, 1 kýrs stýdentteri úshin oqý 24 qańtarda bastalsa, 2 kýrs stýdentteri 31 qańtardan, 3-4 kýrs stýdentteri úshin 7 aqpannan bastap degen sekildi», - dedi QR Bilim jáne ǵylym mınıstrligi joǵary jáne joǵary oqý ornynan keıingi bilim departamenti dırektory Ádilet Toıbaev OKQ-de onlaın ótken baspasóz máslıhatynda.

Mınıstrlik ókiliniń málimdeýinshe, stýdentter úshin kóktemgi semestr aralas formatta bolady. ıAǵnı, dástúrli jáne qashyqtan.

«Joǵary oqý ornynyń sheshimi boıynsha oqý protsesi tolyǵymen dástúrli formatta nemese aralas formatta uıymdastyrylýy múmkin. Aıtar bolsaq, dárister onlaın, al praktıkalyq jáne semınar, zerthanalyq sabaqtardy oflaın rejımde ótkizýge bolady. Stýdentterdiń praktıkasyn da dástúrli formatta uıymdastyrýǵa bolady», - deıdi ol.

Buǵan deıin departament basshysy stýdentter eldegi jappaı tártipsizdikterge qatysty ma degen saýalǵa jaýap bergen edi.


Joǵary qaraı