Aýa raıy
Astana 28 °S
Almaty 35 °S
valıýta baǵamy
USD 412.55
EUR 468.66
RUB 5.79
CNY 58.80

Karantın kezinde jemqorlyqpen kúres qyzmetine júginýshiler sany 2 ese artqan

2020 jyldyń 1 shilde 2020 13:15

NUR-SULTAN. QazAqparat - Karantın kezinde elimizdiń sybaılas jemqorlyqqa qarsy qyzmetine júginýshiler sany artyp ketti. Bul týraly QR Sybaılas jemqorlyqqa qarsy is-qımyl agenttigi qujat aınalymy basqarmasynyń basshysy Qýanysh Myrzaǵalı aıtty, dep habarlaıdy QazAqparat tilshisi.

«QR Sybaılas jemqorlyqqa qarsyis-qımyl agenttiginiń Call-ortalyǵy azamattarǵa tegin aqparattyq qoldaý kórsetip, keńes beredi jáne olardyń shaǵymdaryn qabyldaıdy. Jyl basynan beri Call-ortalyqqa shamamen 12 myń ótinim tústi. Onyń 400-den astamynda quqyq buzý belgileri bar. 44 is sotqa deıingi tergeýdiń biryńǵaı tizilimine tirkelip, 8 qylmystyq is sotqa jiberildi. Onyń úsheýi boıynsha úkim shyqqan»,- dedi ol agenttiktiń Facebook paraqshasynda ótken onlaın brıfıng barysynda.

Sonymen qatar ol ótken jyldan beri agenttik basshylyǵynyń azamattardy jeke qabyldaý kestesine ózgeris engizilgendigin atap ótti.

«Sybaılas jemqorlyqqa qarsy is-qımyl agenttiginiń tóraǵasy azamattardy apta saıyn, basshylyq quram kúndelikti qabyldaıdy. Osy jylydń 5 aıynda agenttik 561 jeke qabyldaý ótkizdi. 649 másele boıynsha 764 azamat júgindi. Kelip túsken máselelerdiń 35 paıyzy qanaǵattandyryldy. Іndetke baılanysty azamattardy habyldaý shuǵyl máseleler boıynsha ǵana júzege asyrylyp jatyr. Azamattarǵa negizinen jazbasha shaǵymdaný, elektrondy ótinim jiberý arqyly júginýge keńes beriledi. Shaǵymdardyń qaralý barysyna únemi saraptama jasalyp otyrady. Agenttik tóraǵasy da bul máseleni ózi baqylaýǵa alǵan. Mine osyndaı jan-jaqty sharalardyń nátıjesinde shaǵymdar sany jyldan jylǵa artyp keledi. Osy jyldyń birinshi jartyjyldyǵynda shaǵymdar sany 26 paıyzǵa artyp, 4 725-ke jetip otyr»,- dedi Qýanysh Myrzaǵalı.

Onyń dereginshe, karantın kezinde kelip túsetin shaǵymdar sany 2 ese artyp ketken. Al maýsym aıynda bir kúnniń ózinde azamattardan 76 shaǵym kelip túsken. Osy aralyqta elektrondy shaǵymdar sany da 2,5 ese artyp otyr.


Joǵary qaraı