Aýa raıy
Astana -19 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Karantın: ShQO-da qazan aıynda 6 myń nysanǵa tekserý júrgizildi

2020 jyldyń 22 qazan 2020 22:54

ÓSKEMEN. QazAqparat – Shyǵys Qazaqstan oblysynda 46 monıtorıngilik top kún saıyn sanıtarlyq-epıdemıologııalyq talaptardyń saqtalýyn tekserýde, dep habarlaıdy QazAqparat tilshisi.

Shyǵys Qazaqstanda sanıtarlyq-epıdemıologııalyq normalardyń saqtalýyn qadaǵalaý maqsatynda qoǵamdyq oryndardaǵy reıdter jalǵasýda. Óńirde shekteý sharalarynyń kúsheıtilýine baılanysty 19 qala men aýdan boıynsha 46 monıtorıngtik top qurylǵan.

«Taýarlar men kórsetiletin qyzmetterdiń sapasy men qaýipsizdigin baqylaý departamentiniń mamandary kún saıyn saýda obektilerine, qoǵamdyq tamaqtaný oryndaryna jáne saýda ortalyqtaryna monıtorıng júrgizýde. Monıtorıng barysynda qoǵamdyq tamaqtaný oryndarynyń birinde birqatar buzýshylyqtar anyqtaldy. Onda qajetti dezınfektsııalyq quraldardyń, úı-jaılardy tazartý kestesiniń bolmaýyna baılanysty mekeme ıesine qatysty hattama toltyryldy. Qalǵan obektiler eshqandaı eskertýsiz tekserýden ótti», - delingen ShQO Aqparat ortalyǵy taratqan aqparatta.

Aıta keteıik, qazan aıynan bastap oblysta 6091 nysan qamtylǵan 493 reıd júrgizilgen.


Joǵary qaraı