Aýa raıy
Astana -11 °S
Almaty -11 °S
valıýta baǵamy
USD 421.58
EUR 496.83
RUB 5.53
CNY 62.20

Karantın: Shyǵys Qazaqstanda sanıtarlyq talapty saqtamaıtyndar azaıyp keledi

2020 jyldyń 3 jeltoqsan 2020 02:00

ÓSKEMEN. QazAqparat – Shyǵys Qazaqstan oblysyndaǵy monıtorıng toptary reıd sharalaryn jalǵastyrýda, dep habarlaıdy QazAqparat tilshisi.

Aımaq boıynsha kún saıyn júrgiziletin reıdter óz tıimdiligin kórsetip otyr. Oblystyń barlyq qalalary men aýdandarynda ótken kezekti reıd barysynda ereje buzý faktileri burynǵydaı kóp tirkelmedi.

«Glýbokoe aýdanynda 1 jeltoqsan kúni 101 nysan tekserilip, sanıtarlyq normalardy saqtamaýdyń 1 faktisi anyqtaldy. G.M. Karımova esimdi áıel adam qoldanylǵan jeke qorǵanys zattaryn jınaý men saqtaý erejelerin buzǵan. Salynǵan aıyppul somasy – 41 670 teńgeni qurady. Sondaı-aq Jarma aýdanynyń Qalbataý aýylyndaǵy «Erketaı» dúkeniniń ıesi B.Malǵajdarovaǵa qatysty buryn anyqtalǵan ereje buzý faktisi boıynsha 319 470 teńge mólsherinde aıyppul salyndy» delingen ShQO aqparat ortalyǵy taratqan málimette.

Aıta keteıik, ShQO-da 128 monıtorıng toby jumys isteýde. Onyń quramyna polıtsııa qyzmetkerleri, jergilikti atqarýshy organdardyń ókilderi, sanıtarııalyq-epıdemıologııalyq baqylaý departamentiniń mamandary kiredi.

Osyǵan deıin Shyǵys Qazaqstanda karantındik shekteýlerdiń 17 jeltoqsanǵa deıin uzartylǵany habarlanǵan.


Joǵary qaraı