Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Karantın: Tarazda 100 adamdyq toı toqtatyldy

2021 jyldyń 17 sáýir 2021 10:48

TARAZ. QazAqparat – Tarazdaǵy meıramhanalardyń birinde 100 adamǵa arnalǵan toı toqtatyldy, - dep habarlaıdy QazAqparat tilshisi.

Karantın rejımi men shekteý sharalary talaptarynyń saqtalýyn baqylaý aıasynda Jambyl oblysynyń polıtseıleri mobıldi toptarmen birlesip, kezekti uıymdastyrylǵan kólemdi is-shara deregin anyqtady. Tarazdaǵy mekemelerdiń birinde reıd kezinde 100-den astam adamnyń qatysýymen ótip jatqan toı anyqtaldy.

Barlyq qonaqtarmen profılaktıkalyq áńgime ótkizildi, al is-sharany uıymdastyrýshyǵa qatysty QR Qylmystyq kodeksiniń 425-baby boıynsha hattama jasaldy jáne jaýapqa tartý úshin Taýarlar men qyzmetterdiń sapasy men qaýipsizdigin baqylaý basqarmasyna jiberilgen.

«Aýrý-syrqaýdyń statıstıkasyna qaramastan, adamdar óz ómiri men densaýlyǵyna qaýip tóndirýde. Jyl basynan beri ártúrli nysandarda karantın rejıminiń 430 buzylý deregi anyqtaldy. Taýarlar men qyzmetterdiń sapasy men qaýipsizdigin baqylaý basqarmasymen QR Ákimshilik quqyq buzýshylyq týraly kodeksiniń 425-baby boıynsha jalpy 41 mln teńge kóleminde aıyppul salyndy jáne oıyn-saýyq mekemeleri men ózge de menshik nysandarynyń 346 ıesi jaýapqa tartyldy», – dep habarlady polıtsııa departamenti.


Joǵary qaraı