Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Karantınde kásipkermen sóz baılasqan: Taraz ákimdiginiń laýazymdy tulǵalary sottaldy

2021 jyldyń 5 tamyz 2021 17:30

TARAZ. QazAqparat – Oıyn-saýyq ortalyǵyna karantın kezinde kedergisiz jumys isteýge ruqsat bergen Jambyl oblysy Taraz qalasy ákimdiginiń laýazymdy tulǵalaryna sot úkimi shyqty, dep habarlaıdy QazAqparat.

Málim etilgendeı, Taraz qalasy ákimdiginiń laýazymdy tulǵalary kásipkerge karantın kezinde kedergisiz jumys isteýge ruqsat berip, karantın rejımin buzǵany úshin ákimshilik jaýapkershilikke tartpaýǵa ýáde etken. Sol qyzmeti úshin aqsha alǵan.

4 tamyz kúni Taraz qalasynyń № 2 soty iske qatysy bar tulǵalarǵa úkim shyǵardy:

- Taraz qalasy ákimi apparatynyń bas mamany J. K. Іzbasarov (QK-niń 190-baby 3-tarmaǵy 2-tarmaǵy) memlekettik qyzmette laýazymdardy atqarý quqyǵynan ómir boıyna aıyrylyp, 2 mln teńge somasynda aıyppul tóleıdi;

- Taraz qalasy ákimi apparatynyń bas mamany A. A. Súıinbekov (QK-niń 190-baby 3-tarmaǵy 2-tarmaǵy) memlekettik qyzmette qyzmet atqarý quqyǵynan ómir boıyna aıyrylyp, 1,5 mln teńge aıyppul tóleıdi;

- «KIDS Park» balalar oıyn-saýyq ortalyǵynyń ákimshisi B.M. Shildebaev (QK-niń 367-baby 2-bóligi) memlekettik qyzmette qyzmet atqarý quqyǵynan ómir boıyna aıyrylyp, 6 mln teńge aıyppul tóleıdi.

«Іzbasarov pen Súıinbekov aldaý jáne senimge qııanat jasaý jolymen, aldyn ala sóz baılasý arqyly bir top adamnyń aqshasyn ıemdenip, karantın kezinde keshenniń kedergisiz jumys istegeni jáne karantın rejımin buzý faktisi boıynsha ákimshilik jaýapkershilikke tartý jóninde sharalar qoldanbaǵany úshin «KIDS Park» oıyn-saýyq ortalyǵynyń ákimshisi B.M. Shildebaevadan jalpy somasy 200 myń teńge bolatyn qarjy aldy dep kúdiktendi.

Shildebaeva Taraz qalasy ákimdiginiń atalǵan laýazymdy tulǵalaryna jalpy somasy 200 myń teńge para berdi degen kúdikke ilingen edi», - delingen taratylǵan resmı habarlamada.


Joǵary qaraı